ஆவின் பால்பாக்கெட் எடை குறைந்த விவகாரம் ஆவின் விளக்கம்

ஆவின் பால் பாக்கெட் எடை குறைவாக இருந்தால் மாற்று பால்பாக்கெட் வழங்கப்படும் என ஆவின் நிர்வாகம் தெரிவித்துள்ளது.

ஆவின் 1/2லிட்டர் பால்பாக்கெட் 430 கிராம்தான் இருந்தது என புகார் எழுந்த நிலையில் இந்த விவகாரம் தமிழகம் முழுவதும் பேசப்பட்டது.இதற்கு எதிராக ஓபிஎஸ், அண்ணாமலை போன்றோர் கண்டன அறிக்கை வெளியிட்ட நிலையில் ஆவின் நிர்வாகம் விளக்கமளித்துள்ளது.

ஆவின் நிர்வாகம் வெளியிட்டுள்ள அறிக்கையில்: நுகர்வோர்களின் நலம் பேணும் வகையில் தரம் மற்றும் அளவுகள் எவ்வித வேறுபாடுமின்றி பால் விநியோகம் செய்வதில் ஆவின் நிறுவனம் உறுதியாக இருக்கிறது. இயந்திர தொழில்நுட்பம் காரணமாக ஏதேனும் அளவு குறைந்து இருந்தால் உடனடியாக மாற்று பால் பாக்கெட்டுகள் வழங்கப்படும். மேலும், ஏதேனும் குறைகள் இருந்தால் 24 மணிநேர சேவை கட்டணமில்லா எண்ணிற்கு தகவல் தெரிவிக்கலாம் என்று கூறியுள்ளது.

Consumer Complaint Cell – 23464575 / 76 / 78 / 79

https://aavin.tn.gov.in/complaint-redressal-officers

-பா.பரசுராமன்.