மாமாவை போட்டுத்தள்ளிய மச்சானால் பரபரப்பு

குடிபோதையில் அக்காவை தாக்கிய மாமாவை போட்டுத்தள்ளிய மச்சானை போலீசார் கைது செய்தனர்.

குன்றத்தூர் அடுத்த நந்தம்பாக்கம் பகுதியை சேர்ந்தவர் வெங்கடேசன்(45)சென்டரிங்க் தொழில் செய்து வருகிறார். இவரது மனைவி தேவி(38). திருமணமாகி இரண்டு குழந்தைகள் உள்ளனர்.

வெங்கடேசன் மீது செல்போன் பறிப்பு மற்றும் ஒரு கொலைவழக்கு இருப்பதாக கூறப்படுகிறது. கடந்த சில மாதங்களாக மனைவியை  பிரிந்த வெங்கடேசன் பல பெண்களுடன் தொடர்பில் இருந்ததாக கூறப்படுகிறது.இந்த நிலையில் கடந்த சில வாரங்களுக்கு முன்பு வீட்டிற்கு குடித்துவிட்டு வந்த வெங்கடேசன், மனைவியிடம் பணம் கேட்டு தகராறு செய்துள்ளார். இதனால் ஆத்திரமடைந்த தேவியின் தம்பி சதிஷ்குமார் (40) தட்டிக்கேட்டபோது வாக்குவாதம் ஏற்பட்டுள்ளது. இதில் சதிஷ்குமார் தாக்கியதில் வெங்கடேசன் ரத்த வெள்ளத்தில் மயங்கி விழுந்து உயிரிழந்தார். தகவல் அறிந்து வந்து போலீசார் வெங்கடேசனின் உடலை கைப்பற்றி பிரேத பரிசோதனைக்கு அனுப்பி வைத்தனர். கொலைக்கு காரணமான சதிஷ்குமாரை கைதுசெய்து விசாரணை நடத்தி வருகின்றனர்.