இந்த கைவிடப்பட்ட இடம் தான் பூமியின் ஆழமான துளைக்கு சொந்தமானது.

மேற்கு ரஷ்யாவில் நீங்கள் நன்றாக தேடினால், பழைய இரும்பு மற்றும் உலோகம், கான்க்ரீட் குப்பைகளுக்கு மத்தியில் ஒரு சுவாரசியமான இடத்தை பார்க்கலாம். ஒரு  இரும்பு தட்டு நிலத்துடன் போல்ட் நட்டு இணைக்கபட்டிருக்கும் . அது ஏதோ நம்மூர் போர்வெல் குழி மூடப்பட்டுள்ளது என நினைத்து விடாதீர்கள்.இது அதுக்கும் மேல… உலகின் மிகவும் ஆழமான குழி இது.

இது ஒரு போர்வேல் குழியின் இறுக்கமாக வெல்டிங் செய்யப்பட்ட  மூடி. இது 12 கிலோமீட்டருக்கும் கீழே  பூமிக்குள் செல்கிறது.

வெறும் 12 கிலோமீட்டர் தானா என நினைக்காதீர்கள். 12 கிலோமீட்டர் என்பது கடலின் ஆழமான பகுதியான மரியானா ட்ரென்ச் (Mariana Trench) ஐ  விட ஆழமானது. இது நமது கிரகத்தில் நாம் இதுவரை தோண்டியதில் ஆழமான துளை.

இது  Kola Superdeep Borehole என்று அழைக்கப்படுகிறது. இது ஏதோ எரிபொருள் எடுக்க பயன்படுத்திய துளை இல்லை. முற்றிலும் அறிவியலின் காரணமாக தோண்டப்பட்ட குழி.

பூமியின் கீழே என்ன இருக்கிறது என்பதை தெரிந்துகொள்வதற்காக சோவியத் விஞ்ஞானிகள் 1970 களில் பூமியின் மேற்பரப்பில் துளையிடத் தொடங்கினர். துளையிடக் காரணம் என்னவென்றால், சூரிய மண்டலத்தின் மறுபக்கத்தில் இருப்பதை  நாம் அறிந்துள்ளதை விட நம்  காலடியில் உள்ளதைப் பற்றி குறைவாகவே அறிந்துகொண்டுள்ளோம்.

தொடர்ந்து 24 ஆண்டுகள் தொடர்ந்து தோண்டி பல ஆய்வுகளை மேற்கொண்டனர். 1994 வாக்கில் அவர்கள் 12 கிலோமீட்டரை அடைந்தார்கள்.

ஆனால் இந்த கடின உழைப்பிலிருந்து நாம் உண்மையில் என்ன கற்றுக்கொண்டோம்?

முதலாவதாக, பூமியின் மேலோட்டத்திற்கு 12 கிலோமீட்டர் ஆழத்தில்  தண்ணீர் இருக்கிறது என்னும்  உண்மையை கண்டறிந்தனர். ஏறக்குறைய 7 கிலோமீட்டர் கீழே ஒற்றை செல் உயிரினங்களின் 24 வகையான நுண்ணிய புதைபடிவங்களைக் கண்டறிந்தனர்.

 மேலும் சுமார் 200 கோடி  ஆண்டுகள் பழமையான பாறைகளையும் கண்டறிந்தனர்.ஆனால் இந்த பாறைகள் விஞ்ஞானிகளுக்கு மிகப்பெரிய சவாலாக மாறியது.

ஏன்? ஏனெனில் அவற்றின் வெப்பநிலை சுமார் 180 டிகிரி செல்சியஸ் (356 டிகிரி பாரன்ஹீட்) இருந்தது. இது விஞ்ஞானிகள் கணித்ததை விட சுமார் 80 டிகிரி அதிக வெப்பம். அவர்களால் இதற்கு பதில் கண்டறிய இயலவில்லை.

இதை விட இன்னும் கீழே போக வாய்ப்புள்ளதா?  அதை நாம் பொறுத்திருந்து தான் பார்க்கவேண்டும்.