ஆசிய கோப்பை டி20 போட்டி… முதல் போட்டியில் பாகிஸ்தானுடன் மோதுகிறது இந்தியா

15வது ஆசிய கோப்பை டி20 தொடர் துபாயில் இன்று தொடங்குகிறது.

இதில் நடப்பு சாம்பியன் இந்தியா, பாகிஸ்தான், இலங்கை, வங்கதேசம், ஆப்கானிஸ்தான், ஹாங்காங் ஆகிய 6 அணிகள் பங்கேற்கின்றன. இதில் ஏ பிரிவில், இந்தியா, பாகிஸ்தான், ஹாங்காங் அணியும், பி பிரிவில் இலங்கை, வங்கதேசம், ஆப்கானிஸ்தான் அணிகளும் இடம்பெற்றுள்ளன. இந்திய அணி தனது முதல்போட்டியில்  நாளை பாகிஸ்தானை எதிர்கொள்கிறது. இதற்காக இரு அணிகளும் தீவிர பயிற்சியில் ஈடுபட்டுள்ளனர்.

பயிற்சிக்கு இடையே பேட்டியளித்த கேப்டன் கே.எல்.ராகுல், பாகிஸ்தானுக்கு எதிரான போட்டிக்கு நாங்கள் ஆவலுடன் காத்திருக்கிறோம். ஏனெனில் இந்த பெரிய போட்டிகளை தவிர வேறு எங்கும் நாங்கள் ஒருவருக்கொருவர் விளையாடுவதில்லை. எனவே பாகிஸ்தான் அணியுடன் விளையாடுவது ஒரு உற்சாகமான தருணம். பெரும் சவால் என்றார்.