தமிழகத்தில் அனைத்து சனிக்கிழமைகளும் இனி அரசு அலுவலகங்கள் இயங்கும் -தமிழ்நாடு அரசு அதிரடி

தமிழகத்தில் இந்த ஆண்டு இறுதிவரை அனைத்து சனிக்கிழமைகளும் அரசு அலுவலகங்கள் இயங்கும் என தமிழக அரசு தெரிவித்துள்ளது.

சென்னை:

கொரோனா பரவல் காரணமாக நாடுமுழுவதும் கடந்த மார்ச் மாதம் இறுதியில் போடப்பட்ட ஊரடங்கினால் பல்வேறு தனியார் அலுவலங்கள் முதல் அரசு அலுவலங்கள்,பொது போக்குவரத்து,ஷோரூம்கள்,மால்கள் ஆகியவை மூடப்பட்டது.இதனை தொடந்து மக்களின் நலனை கருதில் கொண்டு மே மாத இறுதியில் அரசு அலுவலங்கங்கள் 50 சதவீத ஊழியர்களுடன் இயங்க அரசு அனுமதி அளித்து,சுழற்சி முறையில் அரசு ஊழியர்களை அலுவலகத்திற்கு பணிகளையும் செய்ய உத்தரவிட்டது.

இதனை தொடர்ந்து,கடந்த செப்டம்பர் 1ம் தேதி முதல் 100 சதவீத பணியாளர்களுடன் பொது போக்குவரத்துகள் ,அரசு அலுவலங்கங்கள் போன்றவை இயங்க அனுமதி அளித்ததோடு பல்வேறு கட்ட தளர்வுகளையும் தமிழ்நாடு அரசு அறிவித்தது.மேலும் இந்த ஆண்டு டிசம்பர் வரை அனைத்து சனிக்கிழமைகளும் அரசு அலுவலகங்கள் இயங்கும் எனவும்,தற்போது சுழற்சிமுறை பணிகள் நீக்கப்பட்டு அனைத்து ஊழியர்களும் 6 நாட்கள் பணிக்கு வர வேண்டும் என அரசு சார்பில் அறிவிக்கப்பட்டது.

நிறைய கோப்புகள் தேங்கியுள்ளது.நான்கு மாதமாக எந்த ஒரு பணியும் முழுமையாக நிறைவடையவில்லை அதனால் இந்த பணிகளை முடிக்கும் வகையில் இனி அனைத்து சனிக்கிழமைகளும் அரசு ஊழியர்கள் வரவேண்டும் எனவும் உடனடியாக தேங்கி நிற்கும் பணிகளை முடிக்க வேண்டும் என்று தமிழ்நாடு அரசு சார்பில் கோரிக்கையும் வைக்கப்பட்டது.