பெண்ணின் உள்ளாடையை எடுத்து மாட்டியவர் அப்பெண்ணை கொலை செய்த கொடூரம்

தலைதுண்டிக்கப்பட்ட நிலையில் கினற்றில் சடலமாக கிடந்த பெண் வழக்கில் வாலிபர் ஒருவர் கைது செய்யப்பட்டார்.

திருப்பத்தூர் மாவட்டம் கந்திலியம் ஒன்றியம் செல்லரப்பட்டி கிராமத்தில் உள்ள விவசாய கிணற்றில் பெண் ஒருவரது சடலம் அழுகிய நிலையில், தலை துண்டிக்கப்பட்ட நிலையில் கிடந்தது. அந்த பெண்ணின் உடல் பிரேத பரிசோதனைக்காக அரசு மருத்துவமனைக்கு அனுப்பப்பட்டது. இதுதொடர்பாக தனிப்படை அமைத்து போலீசார் விசாரித்து வந்தனர். விசாரணையில் அந்த பெண்ணின் பெயர் சந்தோஷ்பிரியா (22) என்பதும், டிஎன்பிஎஸ்சி தேர்வுக்கு படித்து வந்ததும் தெரியவந்தது. மேலும், இவரை அதேப் பகுதியைச் சேர்ந்த மகேந்திரன் (21) என்பவர் காதலித்து வந்துள்ளார். இந்நிலையில் மகேந்திரன் எலவம்பட்டி கிராம நிர்வாக அலுவலர்களிடம் சரணடைந்தார்.

இதுகுறித்து மகேந்திரன் தெரிவிக்கையில், ஆன்லைனில் வரும் பொருட்களை வீடுகளுக்கு நேரில் சென்று டெலிவரி செய்யும் வேலை பார்த்து வந்தேன். கடந்த 5 ஆண்டுகளுக்கு முன்பு சந்தோஷ்பிரியாவை காதலித்தேன். ஒருநாள் அவர் வீட்டில் குளித்துக்கொண்டிருக்கும் போது அவரது உள்ளாடையை எடுத்து செல்ல முயன்றேன். அப்போது அவரது தாத்தா மற்றும் உறவினர்கள் பார்த்துவிட்டனர். என்னை கடுமையாக திட்டி ஊரைவிட்டு வெளியேறுமாறு கூறினார்கள். நானும் ஊரைவிட்டு வந்து பெங்களூருவில் ஒரு துணிக்கடையில் வேலை பார்த்து வந்தேன்.

பிறகு சந்தோஷ் பிரியாவை அடைய வேண்டும் என எனக்குள் ஆசை ஏற்பட்டது. சம்பவத்தன்று நான் மோட்டார் சைக்கிளில் சென்று கொண்டிருக்கும் போது சந்தோஷ் பிரியாவை பார்த்தேன். அவரை வண்டியில் உட்காருமாறு அழைத்தேன். அதற்கு அவள் மறுத்து என் கன்னத்தில் அறைந்துவிட்டாள். நான் அவளது வாய் மற்றும் மூக்கை மூடியதால் மயக்கம் அடைந்தாள். உடனடியாக அவளை கற்பழிப்பு செய்துவிட்டு கழுத்தை கையால் இறுக்கியும், காலால் மிதித்தும் கொலைசெய்து அருகில் இருந்த கிணற்றில் வீசிவிட்டு சென்று விட்டேன். ஒரு மாதம் ஆகியும் யாருக்கும் சந்தேகம் ஏற்படவில்லை. பிறகு, அவரது உடலை எடுத்து போலீசார் விசாரணை மேற்கொண்டதால் நான் சரணடைந்து விட்டேன் என்று கூறினார். கைது செய்யப்பட்ட மகேந்திரனை போலீசார், வேலூர் மத்திய சிறையில் அடைத்தனர்.