By வேலூர் மாவட்டம் குடியாத்தம் அருகே வீட்டிற்குள் புகுந்த சிறுத்தை 3 பேரை கொடூரமாக தாக்கிய சம்பவம் அதிர்ச்சியை ஏற்படுத்தியுள்ளது.
வேலூர் மாவட்டம் குடியாத்தம் அடுத்த கலர்பாளையம் கிராமத்தில் அதிகாலை 2 மணி அளவில் வேலாயுதம் என்பவரின் வீட்டிற்குள் புகுந்த சிறுத்தை வீட்டில் தூங்கிக்கொண்டிருந்த மூன்று பேரை தாக்கியது. இதனால் அலறி அடித்துக்கொண்டு மூவரும் வீட்டை விட்டுு வெளியே ஓடி வந்து வீட்டின் கதவை வெளிப்புறமாக பூட்டி விட்டனர்..
காற்றுக்காக வீட்டின் கதவை திறந்து வைத்து தூங்கியுள்ளனர்.அப்பொழுது, வீட்டிற்குள் புகுந்த சிறுத்தை மூன்றுபேரை தாக்கி விட்டு பரணில் பதுங்கிக் கொண்டது. வீட்டிற்கு வெளியே வேலாயுதம் தூங்கியுள்ளார் அப்போது நாய் குரைக்கும் சத்தம் கேட்டு எழுந்தபோது வீட்டிற்குள் இருந்து அவரது மனைவி பிரேமா மற்றும் அவரது மகன், மகள் அலறியடித்து ஓடி வந்துள்ளனர். அப்போது தான் வீட்டுக்குள் சிறுத்தை புகுந்து தாக்கியதாக தெரியவந்துள்ளது.
சிறுத்தை தாக்கி காயமடைந்த பிரேமா (40), மனோகரன், மகாலட்சுமி, ஆகியோர் குடியாத்தம் அரசு மருத்துவமனையில் சிகிச்சை பெற்றுவருகின்றனர். இது குறித்து வனத்துறைக்கு தகவல் தெரிவிக்கப்பட்டதை அடுத்து பேர்ணாம்பட்டு வனச்சரகர் சங்கரய்யா தலைமையில் வனத்துறையினர் சம்பவ இடத்திற்கு விரைந்து வந்து கால்நடை மருத்துவரின் அறிவுறுத்தலின் பேரில் காலையில் மயக்க ஊசி செலுத்தி பிடிக்க நடவடிக்கை எடுக்கப்பட்டு வருவதாகவும். சிறுத்தை பிடிபட்டவுடன் அதனை கூண்டில் அடைத்து ஆந்திரா எல்லையில் உள்ள அடர் வனப்பகுதியில் கொண்டு சென்று விடப்படும் என வனத்துறையினர் தெரிவித்துள்ளனர்.
