“எஸ்பிஐ வராக்கடன்  ஸ்வாஹா” அடேங்கப்பா! இவ்வளவு தொகையா?

“கடைத் தேங்காய்களை எடுத்து கார்ப்பரேட் பிள்ளையார்களுக்கு கொடுக்கின்றனர்” என எஸ்பிஐ வங்கியின் வராக்கடன் குறித்து மதுரை எம்பி சு.வெங்கடேசன் கடுமையாக விமர்சித்துள்ளார்.

இது தொடர்பாக ட்விட்டரில் பதிவு ஒன்றையும் பதிவிட்டுள்ளார். அந்த பதிவில், ”ஸ்டேட் வங்கியில் கடந்த 8 ஆண்டுகளில் ₹1.45லட்சம் கோடி வராக்கடன் இருக்கிறது. இதில் வசூலானது ₹19,000 கோடி மட்டுமே.. மீதமுள்ள வராக்கடன்கள் ஸ்வாஹா… கடனை கட்டத்தவறிய கார்ப்பரேட் முதலாளிகளின் பெயர்களை ரகசியமாக வைத்துள்ளனர். அப்பாவி ஏழை, எளிய மக்கள் கல்விக்கடன் & குறு நிதி கடன்களை வாங்கினால், அதை வசூலிக்க கழுத்தில் துண்டைப்போடுவார்கள்…கனவான்கள் எனில் கழுத்துக்கு மேல் காண்பிக்க மாட்டார்கள். இப்படியாக மக்களின் சேமிப்புகள் சூறையாடப்படுகின்றன” என குறிப்பிட்டுள்ளார்.

இந்த பதிவு தற்போது அதிகமாக ரீ ட்வீட் செய்யப்பட்டு வருகிறது.