கையிலேயே காசு இல்லை-இதுல அக்கவுண்ட்ல மினிமம் பேலன்ஸ் இல்லன்னா அபராதமா….

ஆகஸ்ட் 1 முதல் குறைந்தபட்ச இருப்புத் தொகை தொடர்பான விதிமுறைகள் அமலாகவிருக்கும் நிலையில், எந்தெந்த வங்கிகளில் எவ்வளவு வரம்பு மற்றும் அபராதம் என்று தெரிந்து கொள்வது அவசியம்.

வாடிக்கையாளர்கள் தங்களது வங்கிக் கணக்குகளில் குறைந்தபட்ச இருப்புத்தொகை (மினிமம் பேலன்ஸ்) என்ற பெயரில் குறிப்பிட்ட தொகையை டெபாசிட் செய்து வைத்திருக்க வேண்டும். மினிமம் பேலன்ஸ் எவ்வளவு இருக்க வேண்டும், அதற்குக் குறைந்தால் வசூலிக்கப்படும் அபராதம் எவ்வளவு, போன்ற விதிமுறைகள் வங்கிக்கு வங்கி மாறுபடுகிறது.

தனியார் மற்றும் அயல்நாட்டு வங்கிகள் 600 ரூபாய் வரை அபராதம் வசூலிக்கின்றன. 15 ரூபாய் தொடங்கி ஒவ்வொரு வங்கிக்கு ஏற்ப அபராதத் தொகை நிர்ணயம் செய்யப்பட்டுள்ளது.

மெட்ரோ நகரங்கள், நடுத்தர நகரங்கள் மற்றும் கிராமங்கள் என கணக்கு வைத்திருக்கும் வங்கியின் இருப்பிடத்தைப் பொருத்து குறைந்தபட்ச இருப்புத்தொகை மற்றும் அபராதம் மாறுகிறது. தற்போதைய விதிமுறைகளின்படி, மினிமம் பேலன்ஸ் இல்லாத கணக்குதாரர்களுக்கு வங்கிகள் எஸ்எம்எஸ், ஈமெயில் மூலம் தகவல் தெரிவிக்கின்றன. கொரோனா ஊரடங்கை கருத்தில்கொண்டு வங்கிச் சேவைகளில் வாடிக்கையாளர்களுக்கு சில தளர்வுகள் வழங்கப்பட்டிருந்த நிலையில், ஆகஸ்ட் 1 முதல் மீண்டும் பழைய கட்டுப்பாடுகள் அமலுக்கு வருகின்றன.

முக்கிய வங்கிகளில் மினிமம் பேலன்ஸ் இருப்புத் தொகை வரம்பு எவ்வளவு, அதற்கான அபராதம் எவ்வளவு என்று பார்க்கலாம்…

எஸ்பிஐ வங்கி

மெட்ரோ நகரம் – ரூ.3,000
அபராதம் – ரூ.15
நடுத்தர நகரங்கள் – ரூ.2,000
அபராதம் – ரூ.12
கிராமப்புறம் – ரூ.1,000
அபராதம் – ரூ.10

கோடாக் மகிந்திரா பேங்க் எட்ஜ் சேமிப்பு கணக்கு

தொகை – ரூ.10,000
அபராதம் – ரூ.500 வரை

இண்டஸ்இண்ட் வங்கி சிறப்புரிமை சேமிப்பு கணக்கு

தொகை ரூ.10,000
அபராதம் – ரூ.100 முதல் ரூ.500 வரை

சிஐசிஐ வங்கி

மெட்ரோ நகரம் – ரூ.10,000
நடுத்தர நகரங்கள் – ரூ.5,000
கிராமப்புறம் – ரூ.2,000
அபராதம் – ரூ.350

ஹெச்டிஎஃப்சி பேங்க்

மெட்ரோ நகரம் – ரூ.10,000
அபராதம் – ரூ.600 வரை
நடுத்தர நகரங்கள் – ரூ.5,000
அபராதம் – ரூ.300 வரை
கிராமப்புறம் – ரூ.2,000
அபராதம் – ரூ.450 வரை

பஞ்சாப் நேஷனல் பேங்க்

மெட்ரோ, நடுத்தர நகரங்கள் – ரூ.2,000
கிராமம் – ரூ.1,000
அபராதம் ரூ.25 முதல் ரூ.100 வரை.