No products in the cart.
வாழ்த்து மழையில் ‘பவி டீச்சர்’
’இரவின் நிழல்’ படத்தின் நாயகி பிரிகிடாவின் பிறந்த நாளுக்கு பலரும் வாழ்த்து தெரிவித்து வருகின்றனர்.
‘ஆஹா கல்யாணம்’ வெப் சீரியல் மூலம் ரசிகர்களின் மனதில் நீங்காமல் இடம் பிடித்தவர் பிரிகிடா. மலர் டீச்சருக்கு பிறகு பவி டீச்சர் என்றால் பிரபலம். அந்த அளவுக்கு ஆஹா கல்யாணம் வெப் சீரியலில், இவரின் கதாபாத்திரம் அனைவரது கவனத்தையும் ஈர்த்தது. எளிமையான, அதேசமயம் நேர்த்தியான உடை, கண் பாவனைகள் போன்றவை ரசிகர்களை இவர் பக்கம் திரும்பி பார்க்க வைத்தது. பிறகு, இயக்குநர் & நடிகர் பார்த்திபனின் இயக்கத்தில் ஒரே ஷாட்டில் எடுக்கப்பட்ட ‘இரவின் நிழல்’ படத்தில் கதாநாயகியாக அறிமுகமானார். இப்படத்தில் வட்டியை கட்டமுடியாமல் பாலியல் சித்ரவதைகளுக்கும் உள்ளாகும் குடும்ப பெண்ணாக இவர் துணிந்து நடித்த நிர்வாண காட்சிகள் பெரிதும் பேசப்பட்டது.
வெள்ளித்திரையில் சிலக்கம்மாவாக தற்போது வலம் வருகிறார். இனி எத்தனை கதாபாத்திரங்கள் ஏற்று நடித்தாலும் வரலாற்றில் பவி டீச்சருக்கு என்று தனியிடம் உண்டு. பிரிகிடா, மென்மேலும் பல உயரங்களை அடைய வாழ்த்துகள்!
-பா.ஈ.பரசுராமன்.
