No products in the cart.
’பொன்னியின் செல்வன்’ இசை வெளியீட்டு விழா ரஜினி, கமலுக்கு அழைப்பு
பொன்னியின் செல்வன் இசை வெளியீட்டு விழாவில் கமல், ரஜினி,அமிதாப் பச்சன் உள்ளிட்டோர் பங்கேற்கின்றனர்.
மணிரத்னம் இயக்கத்தில் மிக பிரமாண்டமாக உருவாகியுள்ள திரைப்படம் ‘பொன்னியின் செல்வன்’. இப்படம் இரண்டு பாகமாக வெளிவரவிருக்கிறது. இந்த படத்தில் ஆதித்த கரிகாலனாக விக்ரமும், அருண்மொழி வர்மனாக ஜெயம்ரவியும், வந்தியதேவனாக கார்த்தியும் நடித்துள்ளனர். மேலும், குந்தவையாக த்ரிஷா, நந்தினியாக ஐஸ்வர்யா ராய் என பலரும் நடித்துள்ளனர். படத்திற்கு ஏ.ஆர்.ரகுமான் இசையமைத்துள்ளார். இப்படத்தை லைகா &மெட்ராஸ் டாக்கீஸ் ஆகிய நிறுவனங்கள் இணைந்து தயாரித்துள்ளன.
பொன்னியின் செல்வன் படத்தின் பொன்னிநதி பாடல் ரசிகர்களிடம் நல்ல வரவேற்பை பெற்ற நிலையில், செப்டம்பர் 6ம் தேதி பிரமாண்டமான முறையில் இசை வெளியீட்டு விழா நடத்த படக்குழு திட்டமிட்டுள்ளது.இதற்காக, ரஜினிகாந்த், கமல்ஹாசன், அமிதாப் பச்சன் உள்ளிட்டோரை நேரில் சந்தித்து இயக்குநர் மணிரத்னம் அழைப்பு விடுத்துள்ளதாக தகவல் வெளியாகியுள்ளது. பொன்னியின் செல்வன் படத்தின் முதல்பாகம் செப்டம்பர் 30ம் தேதி திரையரங்குகளில் வெளியாகிறது.
