‘திருச்சிற்றம்பலம்’ படத்தின் வசூல் எவ்வளவு தெரியுமா?

திருச்சிற்றம்பலம் படம் ₹20 கோடி வசூல் செய்துள்ளதாக தகவல் வெளியாகியுள்ளது.

’யாரடி நீ மோகினி’ படத்தின் இயக்குநர் மித்ரன் ஜவஹர் இயக்கத்தில் தனுஷ் நடிப்பில் வெளியான திரைப்படம் திருச்சிற்றம்பலம். இப்படத்தில், பாரதிராஜா, பிரியா பவானி ஷங்கர், நித்யா மேனன், ராஷி கண்ணா உள்ளிட்ட பலர் நடித்துள்ளனர். அனிருத் படத்திற்கு இசையமைத்துள்ளார். இப்படத்தில் தனுஷ் டெலிவரி பாயாக நடித்துள்ளார். படம் ஆகஸ்டு 18ம் தேதி வெளியான போது தனுஷ்ரசிகர்கள் டெலிவரி பாயாக வேலை செய்யும் ஊழியர்களுக்கு 1 லிட்டர் பெட்ரோலை இலவசமாக வழங்கி கொண்டாடினர்.

இந்த நிலையில் படம் நல்ல விமர்சனத்தை பெற்றுள்ளது. இரண்டு நாட்களில் ₹20 கோடியை வசூலித்துள்ளதாக கூறப்படுகிறது. இன்றும், நாளையும் தொடர் விடுமுறை என்பதால் படத்தின் வசூல் இன்னும் அதிகரிக்கும் என்று சினிமா விநியோகஸ்தர்கள் கூறுகின்றனர்.