’பொன்னியின் செல்வன்’ வெளியான மாஸ் அப்டேட்
மணிரத்னம் இயக்கத்தில் பொன்னியின் செல்வன் திரைப்படம் இரண்டு பாகங்களாக உருவாகி இருக்கிறது. படத்தின் முதல் பாகம் செப்டம்பர் 30ம் தேதி வெளியாகிறது. படத்திற்கு இசைப்புயல் ஏ.ஆர்.ரகுமான் இசையமைத்துள்ளார். படத்தில் ஆதித்த கரிகாலனாக விக்ரமும், வந்தியதேவனாக கார்த்தியும், ராஜராஜ சோழனாக ஜெயம்ரவியும் நடித்துள்ளனர்.
நந்தினியாக ஐஸ்வர்யா ராயும், குந்தவையாக த்ரிஷாவும் நடித்துள்ளனர். படத்தின் இரண்டு பாடல்கள், டீசர் வெளியாகி ரசிகர்கள் இடையே நல்ல வரவேற்பை பெற்ற நிலையில், செப்டம்பர் 6ம் தேதி இசை மற்றும் டிரைலர் வெளியீட்டு விழா மிகப் பிரமாண்டமாக நேரு உள்விளையாட்டு அரங்கில் நடைபெறவுள்ளது.
இந்த நிலையில் மேலும் சில நடிகர்களின் கேரக்டர்கள் மற்றும் அவர்களின் போஸ்டர்கள் வெளியாகியுள்ளன. அந்த வகையில், பெரிய பழுவேட்டரையராக சரத்குமார், சின்ன பழுவேட்டரையராக பார்த்திபன் ஆகியோர் நடிப்பதாக அறிவிக்கப்பட்டது.இப்போது, பூங்குழலியாக ஐஸ்வர்ய லட்சுமியும், வானதியாக சோபிதா துலிபாலாவும் நடித்துள்ளனர்.
சுந்தர சோழனாக பிரகாஷ்ராஜ், செம்பியன் மாதேவியாக ஜெயசித்ரா, மதுராந்தகனாக ரகுமான் ஆகியோர் நடித்துள்ளனர். ரசிகர்கள் இடையே நாளுக்கு நாள் படத்தின் எதிர்பார்ப்பு அதிகரித்துள்ளது.
