பஞ்சாபில் விஷ சாராயத்தின் கோர தாண்டவம் : பலி எண்ணிக்கை 86 ஆக உயர்வு

பஞ்சாபில் விஷ சாராயம் குடித்து பலியானோர் எண்ணிக்கை 86 ஆக உயர்ந்துள்ளது. உயிரிழந்தோர் குடும்பத்தினருக்கு தலா 2 லட்சம் ரூபாய் வழங்கப்படும் என முதல் மந்திரி அமரீந்தர் சிங் அறிவித்துள்ளார்.

ஊரடங்கு காரணமாக நாடு முழுவதும் மதுபானங்கள் கிடைப்பதில் ஏற்பட்டுள்ள தட்டுப்பாடு காரணமாகக் கள்ளச்சாராய கலாச்சாரம் அதிகரித்து வருகிறது. இதில், அமிர்தசரஸ், படாலா மற்றும் டார்ன்தரன் ஆகிய 3 மாவட்டங்களை சேர்ந்தவர்கள் உயிரிழந்தனர். நேற்று முன்தினம் வரை விஷ சாராயம் குடித்து 21 பேர் பலியாகி இருந்தனர். மேலும் பலர் ஆபத்தான நிலையில் சிகிச்சை பெற்று வருகின்றனர்.

ஜூலை 29 ஆம் தேதி முதல் தற்போது வரை அப்பகுதியில் டார்ன்தரன் மட்டும் 63 பேர் இறந்துள்ள நிலையில், அமிர்தசரஸில் 12 பேரும், குர்தாஸ்பூரின் படாலாவில் 11 பேரும் இறந்தனர். 86 பேர் உயிரிழந்துள்ள சூழலில், அங்குப் போலி மதுபானம் தயாரித்து விற்ற ஒருவர் கைது செய்யப்பட்டுள்ளார். இந்தக் கள்ளச்சாராயத்தைக் குடித்தவர்கள் அனைவரும் உடலுறுப்புகள் செயலிழந்து பலியாகி உள்ளனர் எனத் தகவல்கள் வெளியாகியுள்ளன.

இது தொடர்பான விசாரணையில் முதலமைச்சர் அமரீந்தர் சிங் ஏழு கலால் அதிகாரிகள் மற்றும் ஆறு போலீஸ்காரர்களை இடைநீக்கம் செய்து உத்தரவிட்டார். இன்று இறந்தவர்களின் எண்ணிக்கை 86 ஆக உயர்ந்தது.இறந்தவர்களின் ஒவ்வொரு குடும்பத்திற்கும் ரூ .2 லட்சம் இழப்பீடு வழங்குவதாகவும் அரசாங்கம் அறிவித்துள்ளது.

அவர் வெளியிட்டுள்ள அறிக்கையின்படி, ஆறு போலீசாரையும் சேர்த்து ஏழு கலால் அதிகாரிகள் இடைநீக்கம் செய்யப்பட்டனர், மற்றும் இரண்டு துணை போலீஸ் சூப்பிரண்டுகள் மற்றும் நான்கு ஸ்டேஷன் ஹவுஸ் அதிகாரிகள் இதில் உள்ளனர்.

எந்தவொரு அரசு ஊழியர் அல்லது இந்த வழக்கில் உடந்தையாக இருக்கும் மற்றவர்கள் மீதும் கடுமையான நடவடிக்கை எடுக்கப்படும் என்று தெரிவித்துள்ளார். மேலும் போலீஸ் மற்றும் கலால் துறை விபரீதமான மதுபானங்களை உற்பத்தி செய்வதற்கு துணை நிற்பது வெட்கக்கேடானது என்று முதல்வர் விவரித்தார்.

மக்களுக்கு விஷம் கொடுப்பதை நான் இனி அனுமதிக்க மாட்டேன் என்று கூறினார்.