லாட்டரி வியாபாரிக்கு அடித்த அதிர்ஷ்டம் : விற்காத கிறிஸ்துமஸ் பம்பருக்கு 12 கோடி பரிசு

கேரள அரசின் கிறிஸ்துமஸ் மற்றும் புத்தாண்டு பம்பர் லாட்டரியில் முதல் பரிசான 12 கோடி ரூபாய் தென்காசியை சேர்ந்த ஷரபுதீன் அடித்துள்ளார்.

திருவனந்தபுரம் :

கேரள அரசின் சார்பில் கிறிஸ்துமஸ் மற்றும் புத்தாண்டு பண்டிகையையொட்டி பம்பர் லாட்டரி கடந்த 2 மாதங்களுக்கு முன்பு முதல் பரிசாக 12 கோடி என அறிவிக்கப்பட்டிருந்தது. இதனையடுத்து, கடந்த 17ம் தேதி திருவனந்தபுரம் மாநகராட்சி மேயர் ஆரியா ராஜேந்திரன் தலைமையில் நடந்தது. இதில் ‘எக்ஸ்ஜி 358753’ என்ற எண்ணிற்கு முதல் பரிசு 12 கோடி கிடைத்தது.

இந்த லாட்டரி டிக்கெட் தமிழக எல்லை பகுதியான ஆரியங்காவில் தென்காசியை சேர்ந்த வெங்கடேஷ் நடத்தி வரும் லாட்டரி கடையில் விற்பனைக்கு வந்ததாக தெரியவந்துள்ளது. நேற்று மதியம் வரை இந்த லாட்டரி டிக்கெட்டானது யார் வாங்கியது என்று தேடிய நிலையில் இந்த டிக்கெட்டை தென்காசியை சேர்ந்த ஷரபுதீன் என்பவர் வாங்கியது என தெரிய வந்துள்ளது. மேலும், இவர் மோட்டார் பைக்கில் வெங்கடேஷிடம் லாட்டரி டிக்கெட் வாங்கி ஆரியங்காவு முதல் புனலூர் வரை விற்பனை செய்துவருகிறார்.

Read more – JEE, நீட் தேர்வுக்கான பாடத்திட்டத்தினை குறைக்க முடியாது : மத்திய கல்வி அமைச்சகம் திட்டவட்டம்

இந்த நிலையில் இவரிடம் விற்காமல் இருந்த ஒரு லாட்டரி டிக்கெட்டிற்கு முதல் பரிசான 12 கோடி ரூபாய் கிடைத்துள்ளது. லாட்டரியை நேற்று(செவ்வாய் கிழமை) ஷரபுதீன் திருவனந்தபுரத்தில் உள்ள லாட்டரி துறை அலுவலகத்தில் அதன் இயக்குனர் கார்த்திகேயனிடம் ஒப்படைத்து ஏஜென்ட் கமிஷன் மற்றும் வரி நீங்கலாக 7.56 கோடி ஷரபுதீனுக்கு கிடைத்துள்ளது.