செஸ் ஒலிம்பியாட் போட்டி… வரவேற்பு பாடல் வெளியானது “நம்ம செஸ் நம்ம பெருமை”

செஸ் ஒலிம்பியாட் போட்டிக்கான வரவேற்பு பாடல் வெளியாகியுள்ளது.

சர்வதேச அளவில் 44வது  ‘செஸ் ஒலிம்பியாட்’ சதுரங்க போட்டிகள் வருகிற ஜூலை 28ம் தேதி முதல் ஆகஸ்டு 10ம் தேதி நடைபெறுகிறது. இதன் தொடக்க விழா நேரு உள்விளையாட்டு அரங்கில் நடைபெறுகிறது. பிரதமர் மோடி கலந்து கொண்டு விழாவை தொடங்கி வைக்க இருக்கிறார். இந்த போட்டியில் 188 நாடுகளை சேர்ந்த 2,500க்கும் மேற்பட்ட சதுரங்க வீரர்கள் பங்கேற்று விளையாடவுள்ளனர்.

செஸ் ஒலிம்பியாட் போட்டி தொடர்பாக தமிழ்நாடு முழுவதும்  “நம்ம செஸ், நம்ம பெருமை” என்ற தலைப்பில் விழிப்புணர்வு நிகழ்ச்சிகள் நடத்தப்பட்டு வருகின்றன. இந்நிலையில், செஸ் ஒலிம்பியாட் வரவேற்பு பாடலை இசையமைப்பாளர் ஏ.ஆர்.ரகுமான் வெளியிட்டுள்ளார். இப்பாடல் தற்போது சமூக வலைதளத்தில் அனைவரது கவனத்தையும் ஈர்த்துள்ளது.