சந்திரமுகி 2-வில் நடிக்கிறேனா? வடிவேலுவே சொன்ன முக்கிய தகவல்

சந்திரமுகி திரைப்படத்தின் இரண்டாம் பாகத்தில் தான் நடிக்க வாய்ப்புள்ளதாக வைகைப்புயல் வடிவேலு தெரிவித்துள்ளார்.

இயக்குனர் பி வாசு இயக்கத்தில் கடந்த 2005-ஆம் ஆண்டு வெளியான திரைப்படம் சந்திரமுகி. சூப்பர் ஸ்டார் ரஜினிகாந்த், ஜோதிகா, நயன்தாரா, வடிவேலு, பிரபு, விஜயகுமார், நாசர், வினீத் ராதாகிருஷ்ணன், சோனு சூட், போன்ற பல திரையுலக பிரபலங்கள் முக்கியமான கதாபாத்திரத்தில் நடித்திருந்தார்கள். இத்திரைப்படத்திற்கு இசையமைப்பாளர் வித்தியாசாகர் இசையமைத்திருந்தார். இத்திரைப்படம் மிகப்பெரிய வெற்றியை அடைந்து சாதனை படைத்தது.

முதல் பாகத்தின் வெற்றியை தொடர்ந்து படத்தின் இரண்டாம் பாகம் விரைவில் உருவாகவுள்ளது. அதையும் இயக்குனர் பி வாசு இயக்கவுள்ளார். அதில் ரஜினிகாந்த் நடித்த வேட்டையன் கதாபாத்திரத்தில் நடிகர் ராகவா லாரன்ஸ் நடிக்கவுள்ளார்.

இந்த நிலையில், முதல் பாகத்தில் நடிகர் வடிவேலு (முருகேசன்) என்ற கதாபாத்திரத்தில் காமெடி கலாட்டா செய்திருப்பார். அதைபோல் இரண்டாம் பாகத்திலும் நடிக்க வாய்ப்புள்ளதாக அவரே கடந்த சில நாட்களுக்கு முன்பு தெரிவித்துள்ளார்.

நீண்ட ஆண்டுகள் கழித்து நடிகர் வடிவேலு, இயக்குனர் சுராஜ் இயக்கத்தில் நாய் சேகர் என தலைப்பிடப்பட்டுள்ள திரைப்படத்தின் மூலம் கதாநாயகனாக தமிழ் திரையுலகில் ரீ என்ட்ரி கொடுக்கவுள்ளார்.

இந்த படத்தின் அறிவிப்பை இயக்குனர் சுராஜ் மற்றும் வடிவேலு பத்திரிக்கையாளர்களை சந்தித்து கடந்த சில நாட்களுக்கு முன்பு அறிவித்தனர். அப்போது பேசிய வடிவேலு ” சந்திரமுகி இரண்டாம் பாகத்தில் நடிக்க வாய்ப்புள்ளது” என தெரிவித்துள்ளார். விரைவில் சந்திரமுகி 2 அறிவிப்பு வெளியாகும் போது வடிவேலு படக்குழுவில் இணைவது குறித்த அறிவிப்பு வெளியாகலாம் என எதிர்பார்க்கப்படுகிறது.