No products in the cart.
வெள்ளத்தில் மிதக்கும் ‘பீஸ்ட்’ படப்பிடிப்புத்தளம்…
சன் பிக்சர்ஸ் தயாரிப்பில் நெல்சன் திலீப் குமார் இயக்கத்தில் உருவாகி வரும் ’பீஸ்ட்’ படத்தில் நடித்து வருகிறார் தளபதி விஜய். இந்த படத்தின் முதல்கட்ட படப்பிடிப்பு கடந்த ஏப்ரல் மாதம் ஜார்ஜியாவில் துவங்கியது. அதனை தொடர்ந்து அண்மையில் பீஸ்ட் படத்தின் மூன்றாம் கட்ட படப்பிடிப்பு சென்னையில் துவங்கியது. இந்நிலையில் இந்தப்படத்திற்காக போடப்பட்ட செட்டில் மழைநீர் புகுந்துள்ளதாக புகைப்படங்கள் வெளியாகியுள்ளது.
கோலமாவு கோகிலா, டாக்டர் படங்களை தொடர்ந்து தற்போது விஜய் நடிப்பில் ‘பீஸ்ட்’ படத்தை இயக்கி வருகிறார் நெல்சன் திலீப்குமார். கடந்த ஜூலை 1 ஆம் தேதியில் இருந்து பீஸ்ட் படத்தின் இரண்டாம் கட்ட படப்பிடிப்பு துவங்கியது. அப்போது விஜய் மற்றும் பூஜா ஹெக்டே சம்பந்தமான காட்சிகளும், பாடல் காட்சி ஒன்றும் படமாக்கப்பட்டதாக தகவல்கள் வெளியாகின.
ஜார்ஜியாவில் படப்பிடிப்பை முடித்த ‘பீஸ்ட்’ படக்குழு அதனை தொடர்ந்து சென்னையில் பிரமாண்ட ஷாப்பிங் மால் அரங்கு அமைத்து அதில் படப்பிடிப்பை நடத்தினர். சென்னை புறநகரில் உள்ள ஸ்டுடியோவில் இந்த அரங்கு அமைக்கப்பட்டிருந்தது. இங்கு சில தினங்களுக்கு முன்னர் தளபதி விஜய் மற்றும் சூர்யா இருவரும் சந்தித்துக் கொண்டனர்.
இந்நிலையில் கடந்த சில நாட்களாக சென்னையில் கனமழை பெய்து வருகிறது. இதனால் சென்னையின் பல்வேறு பகுதிகளில் தண்ணீர் வடியாமல் வெள்ளம் போலக் காட்சியளிக்கிறது.
கடந்த நான்கு நாட்கள் பெய்த கனமழையால் ‘பீஸ்ட்’ படத்திற்காக போடப்பட்ட ஷாப்பிங் மால் அரங்கைச் சுற்றி மழை நீர் தேங்கி நிற்கிறது. இது தொடர்பான புகைப்படம் இணையத்தில் வெளியாகி வைரலாகி வருகிறது. எனினும் எனினும் அரங்குக்குப் பெரிய அளவில் பாதிப்பு எதுவும் ஏற்படவில்லை என்றும், மழையால் தற்காலிகமாக நிறுத்தப்பட்டுள்ள படப்பிடிப்பு பணிகள் மீண்டும் விரைவில் தொடங்கும் என்றும் செய்திகள் வெளியாகியுள்ளன.
