No products in the cart.
மனைவி குளிக்காததால் தலாக் சொன்ன கணவன்…!
உத்தரபிரதேசத்தின் அலிகாரில் உள்ள ஒரு நபர், அவரது மனைவி தினமும் குளித்து சுத்தமாக இல்லாததால் விவகாரத்து செய்ய முடிவெடுத்துள்ள சம்பவம் நிகழ்ந்துள்ளது.
உத்தரபிரதேசத்தின் அலிகாரில், கவுர்சி கிராமத்தைச் சேர்ந்த பெண் இரண்டு வருடங்களுக்கு முன்பு சந்தாஸ் கிராமத்தைச் சேர்ந்த ஒருவரை திருமணம் செய்து கொண்டார். அவர்களுக்கு ஒரு வயது குழந்தை உள்ளது. இந்நிலையில், அலிகார் மகளிர் பாதுகாப்பு கவுன்சிலில், கவுர்சி கிராமத்தைச் சேர்ந்த அந்த பெண், ஒரு புகார் மனுவை அளித்துள்ளார்.
அந்த மனுவில், தனது கணவர் தான் தினமும் குளிப்பதில்லை என்ற காரணத்திற்காக தனக்கு மூன்று முறை தலாக் கொடுத்து விவாகரத்து செய்ததாக எழுத்துப்பூர்வ புகார் அளித்தார். இதனையடுத்து, பெண்கள் பாதுகாப்புப் பிரிவில் பணிபுரியும் ஒரு ஆலோசகர் கூறுகையில், தனது கணவர் தினமும் குளிப்பதில்லை என்ற காரணத்திற்காக தனக்கு மூன்று முறை தலாக் கொடுத்ததாக எழுத்துப்பூர்வ புகார் அளித்தார். தம்பதியினருக்கும், அவர்களது பெற்றோர்களுக்கும் இருவருக்கும் இடையே இளம் ஜோடியின் திருமண உறவு முறியாமல் இருக்க ஆலோசனை வழங்கி வருகிறோம்.
அப்பெண் தனது திருமண வாழ்வை தொடரவும், தனது கணவருடன் மகிழ்ச்சியான வாழ்க்கையை வாழவும் விரும்புவதாக கூறியதாகவும் அவர் தெரிவித்துள்ளார். இதனையடுத்து, அந்த ஆணுக்கு ஆலோசனை கொடுத்த போது, ஆலோசனையின் போது, அந்தப் பெண்ணுடனான ஒப்பந்தத்தை முடிவுக்கு கொண்டுவர விரும்புவதாக மீண்டும் மீண்டும் எங்களிடம் கூறினார். அவர் தினமும் குளிப்பதில்லை என்பதால் அவரது மனைவியிடமிருந்து விவாகரத்து பெற உதவுமாறு அவர் எங்களுக்கு ஒரு விண்ணப்பத்தையும் கொடுத்தார் என்று கூறியுள்ளார்.
தொடர்ந்து இவர்களுக்கு பிறந்துள்ள குழந்தையை கருத்தில் கொண்டு கணவர், மனைவி இருவருக்கும் விவாகரத்து பற்றி சிந்திக்க பெண்கள் பாதுகாப்பு கவுனில் நேரம் அளித்துள்ளது.
