ரூ.61.70 கோடி மதிப்பில் நவீன வசதிகளுடன் சீரமைக்கப்பட உள்ள அரசு பள்ளிகள் – சென்னை மாநகராட்சி அறிவிப்பு

சென்னை:மாநகராட்சிக்கு உட்பட்ட அரசு பள்ளிகளின் உட்கட்டமைப்பு, நவீன வசதிகளுடன் சீரமைக்கப்படவிருப்பதாக சென்னை மாநகராட்சி அறிவிப்பு வெளியிட்டுள்ளது.

பெருநகர சென்னை மாநகராட்சிக்குட்பட்ட சென்னையில் அமைந்துள்ள அரசு பள்ளிகளின் உட்கட்டமைப்புகள் 61.70 கோடி ரூபாய் மதிப்பில் நவீன வசதிகளுடன் சீரமைக்கப்பட உள்ளதாக சென்னை மாநகராட்சி அறிவித்துள்ளது. இது தொடர்பாக சென்னை மாநகராட்சி வெளியிட்டிருக்கிற அறிவிப்பில் கூறப்பட்டுள்ளதாவது:

“2021-22 ஆம் ஆண்டிற்கான சட்டமன்றப் பேரவையில் திருத்திய நிதிநிலை அறிக்கையின் விவாதத்தின் போது மாண்புமிகு நகராட்சி நிர்வாகத் துறை அமைச்சர் அவர்கள்,சென்னைப் பள்ளிகள் நவீன வசதிகளுடன் மேம்படுத்தப்படும் என அறிவித்தார்கள்.

அதனடிப்படையில், 8 சென்னைப் பள்ளிகளில் ரூ.21.77 கோடி மதிப்பில் புதிய வகுப்பறைகள் உட்பட கட்டமைப்பு வசதிகளை மேம்படுத்தும் பணிகளுக்கு ஒப்பந்தம் கோரப்பட்டுள்ளது.

சென்னை ஆரம்பப் பள்ளி, கோட்டூர்;சென்னை உயர்நிலைப்பள்ளி, கோட்டூர் – ரூ.6 கோடி மதிப்பில்.

சென்னை ஆரம்பப் பள்ளி, கம்தார் நகர்;சென்னைப் பெண்கள் மேல்நிலைப்பள்ளி, நுங்கம்பாக்கம் – ரூ.5.08 கோடி மதிப்பில்

சென்னைப் பெண்கள் மேல்நிலைப்பள்ளி, புல்லா அவென்யூ – ரூ.3.86 கோடி மதிப்பில்.

சென்னை மேல்நிலைப்பள்ளி.எம்.ஜி.ஆர்.நகர் – ரூ.1.78 கோடி மதிப்பில்.

சென்னை ஆண்கள் மேல்நிலைப்பள்ளி, பந்தர் கார்டன் -ரூ.4.00 கோடி மதிப்பில்.

சென்னைப் பெண்கள் மேல்நிலைப்பள்ளி, மார்க்கெட் தெரு – ரூ.1.05 கோடி மதிப்பில் உட்பட கட்டமைப்பு வசதிகளை மேம்படுத்தும் பணிகளுக்கு ஒப்பந்தம் கோரப்பட்டுள்ளது.

ஏற்கனவே,6 சென்னைப் பள்ளிகளில் ரூ.17.38 கோடி மதிப்பில் புதிய வகுப்பறைகள் உட்பட கட்டமைப்புகளை மேம்படுத்தும் பணிகளுக்கான ஒப்பம் இறுதி செய்யப்பட்டு பணி ஆணை வழங்கப்பட்டுள்ளது.அதன்படி,

சென்னைப் பெண்கள் மேல்நிலைப்பள்ளி, மார்க்கெட் தெரு – ரூ.6.19 கோடி.

சென்னை ஆரம்பப்பள்ளி, புதிய மார்க்கெட் பகுதி;சென்னை உயர்நிலைப்பள்ளி,புதிய மார்க்கெட் பகுதி – ரூ.5.13 கோடி.

சென்னை ஆரம்பப்பள்ளி;சென்னை மேல்நிலைப்பள்ளி,சுப்பராயன் தெரு – ரூ.4 கோடி.

சென்னை நடுநிலைப்பள்ளி, காந்திகிராமம் – ரூ.2.06 கோடி.

மேலும், 12 சென்னைப் பள்ளிகளில் ரூ22.55 கோடி மதிப்பில் வகுப்பறைகள் உட்பட கட்டமைப்புகளை மேம்படுத்தும் பணிகளுக்கு திட்ட மதிப்பீடு தயாரிக்கும் பணிகள் நடைபெற்று வருகிறது, இந்தப் பணிகளுக்கான திட்ட மதிப்பீடு முடிவுற்றவுடன் நிர்வாக அனுமதி பெறப்பட்டு விரைவில் ஒப்பம் கோரப்படும்.அதன் விவரம் ,

சென்னை ஆண்கள் மேல்நிலைப்பள்ளி,சைதாப்பேட்டை – ரூ.2 கோடி.

சென்னை ஆரம்பப் பள்ளி,ஜோன்ஸ் சாலை;சென்னைப் பெண்கள் மேல்நிலைப்பள்ளி,சைதாப்பேட்டை -ரூ.4 கோடி

சென்னை ஆண்கள் மேல்நிலைப்பள்ளி,நுங்கம்பாக்கம் – ரூ.2.60 கோடி.

சென்னை ஆரம்பப்பள்ளி;சென்னை மேல்நிலைப்பள்ளி, பட்டேல் நகர் – ரூ.7.70 கோடி.

சென்னை நடுநிலைப்பள்ளி;சென்னை உயர்நிலைப்பள்ளி, கூக்ஸ் சாலை – ரூ.4 கோடி.

சென்னை நடுநிலைப்பள்ளி;சென்னை உயர்நிலைப்பள்ளி, சர்மா நகர் – ரூ.1.50 கோடி.

சென்னை ஆரம்பப்பள்ளி;சென்னை மேல்நிலைப்பள்ளி, ஆழ்வார்பேட்டை- ரூ.0.75 கோடி மதிப்பில் உட்பட கட்டமைப்புகளை மேம்படுத்தும் பணிகளுக்கு திட்ட மதிப்பீடு தயாரிக்கும் பணிகள் நடைபெற்று வருகிறதாக அந்த அறிவிப்பில் தெரிவிக்கப்பட்டுள்ளது.