டி வில்லியர்ஸ் அட்டகாச அரைசதம்: கொல்கத்தா அணிக்கு 195 ரன்கள் இலக்கு

டி வில்லியர்ஸின் அதிரடி அரைசதத்தால் கொல்கத்தா அணிக்கு 195 ரன்கள் இலக்காக வழங்கியது பெங்களூர் அணி.

ஷார்ஜா:

கொல்கத்தா அணிக்கு எதிரான ஐ.பி.எல் தொடர் இன்றைய 28 வது ஆட்டத்தில் ராயல் சேலஞ்சர்ஸ் பெங்களூர் டாஸ் வென்று பேட்டிங்கை தேர்வு செய்தது.அதனை தொடர்ந்து பெங்களூர் அணி சார்பாக பட்டிகல்,பின்ச் தொடக்க வீரர்களாக களம் இறங்கினர்.கடந்த ஆட்டத்தில் இருந்த அதிரடியை இருவரும் இந்த போட்டியிலும் தொடர,பெங்களூர் அணியின் ஸ்கோர் சீரான வேகத்தில் நகர்ந்தது.ரசல் பந்தில் அடுத்தடுத்து பட்டிகல் பௌண்டரிகளை ஓட விட்டு அசத்த,ரசல் வீசிய 8 வது ஓவரில் பட்டிகல்(32 ரன்கள்,23 பந்துகள்) கிளீன் போல்ட் ஆகி நடையைக்கட்டினார்.

பெங்களூர் அணி 12 ஓவர் முடிவில் 1 விக்கெட் இழந்து 90 ரன்கள் எடுத்து இருந்தது.அதன் பிறகு பின்ச் உடன் இணைந்த கேப்டன் கோலி தட்டி கொடுக்க,மறுமுனையில் பின்ச்(47 ரன்கள்,37 பந்துகள்) பிரசித் கிருஷ்ணா வீசிய 13 வது ஓவரில் ஒரு பௌண்டரி ஓடவிட்டு அடுத்த பந்த கிளீன் போல்ட் ஆனார்.அடுத்த களம் இறங்கிய டி வில்லியர்ஸ் ஒரு பௌண்டரி அடிக்க,பெங்களூர் அணி 13.1 ஓவர்களில் 100 ரன்களை தாண்டியது.டி வில்லியர்ஸ் நாகர்கோட்டி வீசிய 16 வது ஓவரில் 2 சிக்ஸர்,ஒரு பௌண்டரி நொறுக்க,16 ஓவர் முடிவில் டெல்லி அணி 2 விக்கெட் இழப்பிற்கு 129 ரன்கள் எடுத்து இருந்தது.அடுத்த ஓவர் வீசிய கம்மின்ஸ் பந்தில் 2 சிக்ஸர்,ஒரு பௌண்டரி டி வில்லியர்ஸ் பறக்கவிட,ரசல் பந்திலும் ஒரு சிக்ஸர், ஒரு பௌண்டரி அடித்து அரை சதம் கடந்தார் வெறும் 23 பந்துகளில் டி வில்லியர்ஸ்,பெங்களூர் அணியும் 150 ரன்களை கடந்தது.

19 வது ஓவரில் தன் பங்கிற்கு கோலி ஒரு பௌண்டரி அடிக்க, பெங்களூர் அணி ஸ்கோர் 177 ரன்கள் எடுத்து இருந்தது.கடைசி ஓவர் வீசிய ரசல் பந்தில் ஓரு பௌண்டரி, ஒரு சிக்ஸர் டி வில்லியர்ஸ் அடிக்க,20 ஓவர் முடிவில் பெங்களூர் அணி 2 விக்கெட் இழப்பிற்கு 194 ரன்கள் அடித்து கொல்கத்தா அணிக்கு 195 ரன்கள் இலக்காக வழங்கியது.

பெங்களூர் அணியில் டி வில்லியர்ஸ் 73 ரன்களுடனும்,கேப்டன் கோலி 33 ரன்களுடனும் அவுட் ஆகாமல் களத்தில் இருந்தனர்.

கொல்கத்தா அணியில் பிரசித் கிருஷ்ணா மற்றும் ரசல் தலா ஒரு விக்கெட் எடுத்து இருந்தனர்.