No products in the cart.
கொதிக்கும் பானிப்பூரி குருமாவில் விழுந்து 2 வயது குழந்தை பரிதாப மரணம்..!!
தாயின் கண் முன்னே கொதிக்கும் பானிப்பூரி குருமாவில் விழுந்து இரண்டு வயது சிறுவன் உயிரிழந்த கொடூரச் சம்பவம் தஞ்சாவூரில் நடந்துள்ளது.
தஞ்சாவூர் மாவட்டம் கும்பகோணம் மாவட்டத்தைச் சேர்ந்த முருகேசன். இவருக்கு அனுசுயா என்கிற மனைவியும் 2 வயதில் ரிஷி என்கிற மகனும் உள்ளனர். கோயம்புத்தூர் மாவட்டத்தில் தங்கி முருகேசன் பணியாற்றி வரும் நிலையில், அவருடைய மனைவி அனுசுயா தனது வீட்டு வாசலில் பானிப்பூரி தள்ளுவண்டி கடை வைத்துள்ளார்.
ஒரு வாரத்துக்கு முன்பு பானிப்பூரி குருமாவை தயார் செய்துவிட்டு, அதை ஒரு பெரிய பாத்திரத்துக்கு மாற்றி தரையில் வைத்து ஆற வைத்துள்ளார் அனுசுயா. அப்போது அங்கே விளையாடிக் கொண்டிருந்த குழந்தை ரிஷி, தவறி பானிப்பூரி குருமா இருந்த குண்டாவில் விழுந்துவிட்டது.
கொதிக்க கொதிக்க இருந்த குருமாவில் விழுந்ததால் அலறி துடித்த குழந்தை ரிஷியை மீட்டு அருகிலுள்ள தனியார் மருத்துவமனையில் அனுசுயா அனுமதித்துள்ளார். அவர்கள் அங்கிருந்து தஞ்சாவூர் அரசு மருத்துவமனைக்கு ரிஷியை அனுப்பிவைத்துள்ளனர்.
கடந்த ஒருவார காலமாக குழந்தை ரிஷிக்கு சிகிச்சை அளிக்கப்பட்டு வந்துள்ளது. ஆனால் நேற்று சிகிச்சை பலனின்றி குழந்தை உயிரிழந்தது. இதையடுத்து இந்த சம்பவம் தொடர்பாக திருவிடைமருதூர் காவல்துறை வழக்குப்பதிவு செய்து விசாரணை நடத்தி வருகின்றனர்.
