தமிழகத்தில் 11 மாதங்களுக்கு பிறகு பள்ளி, கல்லூரிகள் திறப்பு..

தமிழக முதல்வர் எடப்பாடி பழனிசாமி அறிவிப்பின்படி தமிழகத்தில் 11 மாதங்களுக்கு பிறகு பள்ளி மற்றும் கல்லூரிகள் இன்று திறக்கப்பட்டது.

சென்னை :

நாடுமுழுவதும் கொரோனா பரவல் காரணமாக கடந்த ஆண்டு மார்ச் மாதம் முதல் பள்ளி மற்றும் கல்லூரிகளுக்கு விடுமுறை அளிக்கப்பட்டு தேர்வுகளுக்கு விலக்கு அளிக்கப்பட்டது. அதனை தொடர்ந்து இந்த கல்வியாண்டு முதல் ஆன்லைன் மூலமாக மாணவ-மாணவிகளுக்கு பாடம் நடத்தப்பட்டு வந்தது.

இந்தநிலையில், ஜனவரி 19 ம் தேதி முதல் முதல் 10 மற்றும் 12 ம் வகுப்புகளுக்கு பள்ளிகள் திறக்கப்படும் என்று முதல்வர் எடப்பாடி பழனிசாமி அறிவித்தார். அதனை தொடர்ந்து தற்போது 9 வகுப்புகள் முதல் 12 வகுப்பு வரை பள்ளிகள் 8 ம் தேதி திறக்கப்படும் என்ற அறிக்கையை வெளியிட்டார்.

Read more – அதிமுக கொடி பொருந்திய காரில் கிளம்பிய சசிகலா.. சென்னை நோக்கி பயணம்..

மேலும், அனைத்து கல்லூரிகளும் இன்று முதல் திறக்கப்படும் என்று அறிவித்தார். அதன் அடிப்படையில் தமிழகத்தில் 11 மாதங்களுக்கு பிறகு பள்ளி மற்றும் கல்லூரிகள் இன்று திறக்கப்பட்டது.