எந்த சிகிச்சையும் இன்றி 28 வருட எச் ஐ வி நோயிலிருந்து இருந்து குணமடைந்த பெண்!!

28 ஆண்டுகளுக்கு முன்பு எச். ஐ.வி  வைரஸ் தொற்றிற்கு ஆளான அமெரிக்கப் பெண்மணி ஒருவர், எந்தவொரு சிகிச்சையும் மேற்கொள்ளாமல் அதிலிருந்து முழுவதுமாகக் குணமடைந்து இருப்பது மருத்துவ உலகில் அதிசயம் கலந்த ஆச்சரியத்தை ஏற்படுத்தியதுள்ளது.

உலக அளவில் சுமார் 3 கோடியே 70 லட்சம் பேர் எச்.ஐ.வி வைராசால் பாதிக்கப்பட்டுள்ள நிலையில், அதற்கான மருந்துகள் இன்றி பலர் உயிரிழந்துள்ளனர். அதேசமயம் உலக அளவிலான ஆராய்ச்சியாளர்கள் அதற்கான மருந்தினை கண்டறிய, தீவிர முயற்சியில் ஈடுபட்டு வருகின்றனர். இதனிடையே, ஒருசிலர் யாரும் எதிர்பாராத விதமாக இந்த நோய்த்தொற்ரில் இருந்து குணமடைந்தும் வருகின்றனர்.

அந்தவகையில், கலிபோர்னியாவைச் சேர்ந்த டிமோதி ப்ரௌன் , லண்டனைச் சேர்ந்த ஆடம் காஸ்டில்லெஜோ ஆகிய 2 பேர் மட்டுமே முதல்முறையாக எச்.ஐ.வி நோய்த் தொற்றிலிருந்து முழுவதுமாக குணமடைந்து இருந்தனர். இவர்கள் இரண்டு பேருமே புற்றுநோய்க்காக எலும்பு மஜ்ஜை மாற்று சிகிச்சை மேற்கொண்டவர்கள் என்பது குறிப்பிடத்தக்கது. எலும்பு மஜ்ஜை மாற்றப்பட்ட பிறகு, அவர்களின் நோய் எதிர்ப்பு சக்தி மண்டலம் முழுவீச்சில் இயங்கி வைரஸை அழித்தது

இந்நிலையில், அமெரிக்காவின் கலிபோர்னியா மாகாணத்தில் வசித்து வரும் 66 வயதாகும் லோரீன் வில்லென்பெர்க், என்பவர் எந்த சிகிச்சையும் பெறாமலே தொடரில் இருந்து குணமடைந்துள்ளார். இவருக்கு 1992 – ம் ஆண்டு ஹெச்.ஐ.வி நோய்த் தொற்று உறுதிசெய்யப்பட்ட பிறகு, கடந்த 28 ஆண்டுகளாக தானாகவே அவரது உடலில் வைரஸ் கிருமியை வெல்லும் அளவுக்கு நோய் எதிர்ப்பு சக்தி உருவாகியுள்ளது. மருத்துவ உதவி இன்றியே வைரஸ் கிருமியை ஒடுக்கப் பழகியதால் ஆராய்ச்சியாளர்கள் மத்தியில் அவர் புகழ்பெற்றிருந்தார். அதன் தொடர்ச்சியாக தற்போது வைரஸ் கிருமியை முழுமையாக வென்று சாதித்துள்ளார் லோரீன்.

லோரீன் வில்லென்பெர்க் எந்தவித அறுவை சிகிச்சையும், ஹெச்.ஐ.வி க்கு எதிராக எந்தவொரு ஆண்டிவைரல் மாத்திரைகளையும் எடுத்துக்கொள்ளாமல் குணமடைந்துள்ளது ஆராய்ச்சியாளர்களை வியக்கச் செய்துள்ளது. 

ஆஸ்திரேலியாவின், மெல்போர்னில் இயங்கும் பீட்டர் டோஹெர்டி தொற்று நோய் மற்றும் நோய் எதிர்ப்பு நிறுவனத்தின் இயக்குனரான மருத்துவர் ஷரோன் லெவின் இதுகுறித்து பேசியபோது, “சிகிச்சை பெறாமலே எச்.ஐ.வி தொற்றிலிருந்து ஒருவர் குணமடைந்திருப்பது மிகவும் புதுமையானதாக உள்ளது.

இது மிகவும் முக்கியமான கண்டுபிடிப்பாகும். எச்.ஐ.வி.யுடன் வாழும் 37 மில்லியன் மக்களுக்கு இது எவ்வாறு பொருந்தும் என்பதைக் கண்டுபிடிப்பதில் தான் ஆராய்ச்சியாளர்களுக்கு உண்மையான சவாலாக இருக்கப்போகிறது” என்று கூறியுள்ளார்.உலகம் முழுவதும் எச்.ஐ.வி வைரஸ் கிருமிக்கு எதிராகப் போராடி வரும் ஆராய்ச்சியாளர்களுக்கு  லோரீன் வில்லென்பெர்க் புதிய நம்பிக்கையை ஏற்படுத்தியுள்ளார்.