No products in the cart.
இந்தியாவில் இருந்து 3 இடங்களை மீட்போம் : நேபாளம் பிரதமர் சர்ச்சை பேச்சு
இந்தியாவில் இருந்து 3 இடங்களை மீட்கப்படும் என்று நேபாள பிரதமர் கே.பி.சர்மா ஒலி மீண்டும் சர்ச்சைகுரிய கருத்தை தெரிவித்துள்ளார்.
காத்மாண்டு:
இந்தியாவின் உத்தரகாண்ட் மாநிலத்தில் உள்ள காலாபானி, லிபுலேக், லிம்பியதுரா ஆகிய 3 பகுதிகள் எங்களுக்கு சொந்தம் என்று நேபாளம் உரிமைக்கோரி வருகிறது. ஏற்கனவே மூன்று இடங்களையும் தங்கள் நாட்டுடன் இணைத்து புதிய வரைப்படத்தை நேபாள பிரதமர் கே.பி.சர்மா ஒலி வெளியிட்டார். இதற்கு இந்தியா கடும் கண்டனம் தெரிவித்தது.
இதற்கிடையே நேபாளத்தில் ஏற்பட்ட அரசியல் குழப்பத்துக்கு நாடாளுமன்றம் சமீபத்தில் கலைக்கப்பட்டது குறிப்பிடத்தக்கது. இந்தநிலையில், நேபாள பிரதமர் கே.பி.சர்மா ஒலி மீண்டும் சர்ச்சை கருத்தை தெரிவித்துள்ளார். அதுகுறித்து பின்வருமாறு:
மகாகாளி நதிக்கு கிழக்கே உள்ள காலாபானி, லிபுலேக், லிம்பியதுரா ஆகிய பகுதிகள் சுகவுலி ஒப்பந்தத்தின்படி நேபாளத்துக்கு சொந்தமானது. இந்தியாவுடன் தூதரக ரீதியில் பேச்சுவார்த்தை நடத்தி அந்த பகுதிகளை விரைவில் மீட்கப்படும். மேலும், நேபாள வெளியுறவுத்துறை அமைச்சர் 14 ம் தேதி இந்தியா சென்று 3 பகுதிகளையும் இணைத்து நேபாளம் வெளியிட்ட வரைபடம் குறித்து ஆலோசனை நடத்த உள்ளார்.
இறையாண்மை சமத்துவத்தின் அடிப்படையில் இந்தியாவுடனான உறவை மேலும் வலுப்படுத்த நேபாளம் நடவடிக்கை எடுத்து வருகிறது என்று தெரிவித்துள்ளார்.
