No products in the cart.
கோட்டை விட்ட அட்லீ வறுத்தெடுக்கும் நெட்டிசன்கள்…
2013 ஆம் ஆண்டு அட்லீ இயக்கத்தில் ஆர்யா, நயன்தாரா, நஸ்ரியா, சந்தானம் நடிப்பில் வெளிவந்து மாபெரும் காதல் காவியமாக வந்து அட்லீ மற்றும் ஆர்யா சினிமா கேரியரில் நீங்காத வெற்றியாக அமைந்த படம் ராஜா ராணி.
இந்த பட வெற்றிக்கு பிறகு அட்லீ தளபதி விஜயை வைத்து தொடர்ந்து மூன்று படங்கள் வெற்றி கொடுத்து, தென் இந்தியாவின் முன்னணி இயக்குனர்களில் ஒருவராக திகழ்கிறார், பொதுவாக அட்லீ மீது வைக்கப்படும் ஒரு குற்றசாட்டு பழைய படங்களை அப்படியே காப்பி அடிக்கிறார் என்பதுதான், அந்த வகையில் ராஜா ராணி-மௌனராகம், தெறி-சத்திரியன், மெர்சல்-அபூர்வ சகோதரர்கள், பிகில்-பலப்படங்களில் கலவை என நெட்டிசன்கள் அவரை கலாய்ப்பது வழக்கம் ஆனால் அதையெல்லாம் தாண்டி அவரின் படங்கள் பாக்ஸ் ஆபீஸில் தொடர்ந்து பல வெற்றிகளை பெற்று வருகிறது.
இருந்தாலும் அவரை நெட்டிசன்கள் கலாய்பதை விடுவதில்லை, அந்த வகையில் அவர் எடுத்த முதல் படமான ராஜாராணியில் நஸ்ரியா மற்றும் நயன்தாரா ஒரே எண் கொண்ட வண்டியை பயன் படுத்துவதுதான் பேசுபொருளாக உள்ளது, கதைப்படி நயன்தாரா மற்றும் நஸ்ரியா வேறு வேறு வாழ்க்கை சூழலில் இருப்பவர்கள் ஆனால் அவர்கள் ஒரே வண்டி மற்றும் ஒரே பதிவு எண் கொண்ட வாகனம் வைத்துள்ளனர்.
இது இப்போது யாரோ ஒருவர் கண்ணில் பட விடுவார்களா அட்லீயை! கதையும் மாத்தல பரவலா? அதற்காக வண்டிய கூட மாத்த மாட்டிங்களா? என அட்லீயை வறுத்தெடுத்து வருகின்றனர்.
