No products in the cart.
‘டிரிக்கர்’ படத்தின் ரிலீஸ் தேதி அறிவிப்பு
நடிகர் அதர்வா நடிப்பில் உருவாகியுள்ள டிரிக்கர் படத்தின் ரிலீஸ் தேதி அறிவிக்கப்பட்டுள்ளது.
இயக்குநர் சாம் ஆண்டன் இயக்கத்தில் நடிகர் அதர்வா நடித்துள்ள படம் டிரிக்கர். இந்த படத்தில் அதர்வாவிற்கு ஜோடியாக தன்யா ரவிச்சந்திரன் நடித்துள்ளார். மேலும், படத்தில் அருண் பாண்டியன், சீதா, முனீஸ்காந்த், சின்னி ஜெயந்த், அறந்தாங்கி நிஷா, அன்புதாசன் உள்ளிட்ட பலரும் நடித்துள்ளனர்.
பிரமோத் பிலிம்ஸ் தயாரித்துள்ள இந்த படத்திற்கு ஜிப்ரான் இசையமைத்துள்ளார். ஆக்சன் த்ரில்லர் ஜானரில் உருவாகியுள்ள டிரிக்கர் படத்திற்கு இயக்குநர் பிஎஸ் மித்ரன் வசனம் எழுதியுள்ளார். இந்த நிலையில் படத்தின் ரிலீஸ் தேதியை படக்குழு அறிவித்துள்ளது. அதன்படி படம் வரும் 23ம் தேதி திரையரங்குகளில் வெளியாகவுள்ளது.
