மாஸ்டர் திரைப்படம் 50வது நாள் குறித்து லோகேஷ் வீடியோவுடன் ட்வீட்..!!

மாஸ்டர் திரைப்படம் 50வது நாள் குறித்து லோகேஷ் வீடியோவுடன் ட்வீட் பதித்துள்ளார்.

விஜய் நடித்த மாஸ்டர் திரைப்படம் 50-வது நாளைக் கடந்த நிலையில் ரசிகர்களுக்கு ஒரு சர்ப்ரைஸ் வீடியோவை இயக்குநர் லோகேஷ் கனகராஜ் வெளியிட்டுள்ளார்.

தமிழ் திரையுலகம் கொரோனா வைரஸ் தொற்றுநோயால் மந்தநிலையில் இருந்தது. ஆனால் பொங்கலுக்கு வெளியான ‘மாஸ்டர்’ அந்த நிலையை மாற்றியிருக்கிறது. விஜய் மற்றும் விஜய் சேதுபதி ஆகியோர் செய்த மந்திரம் பார்வையாளர்களை திரையரங்குகளை நோக்கி படையெடுக்க வைத்தது. முன்னதாக திரையரங்குகளில் ஐம்பது சதவிகித ஆக்கிரமிப்பு இருந்தபோதிலும் மாஸ்டர் திரைப்படம் பிளாக்பஸ்டர் வெற்றி பெற்று, திரையுலகிற்கு நம்பிக்கை அளித்துள்ளது.

“எத்தனை முறை நன்றி சொன்னாலும் அது போதுமானதாக இருக்காது. நன்றி விஜய் அண்ணா.. நன்றி விஜய் சேதுபதி அண்ணா” நெகிழ்ச்சியுடன் பதிவிட்டுள்ளார். அதோடு, மாஸ்டர் படத்தில் க்ளைமேக்ஸ் காட்சி படமாக்கப்பட்டபோது எடுக்கப்பட்ட வீடியோவையும் பதிவிட்டு ரசிகர்களுக்கு உற்சாகமளித்திருக்கிறார்.