பிக்பாஸ்-3 புகழ் லாஸ்லியாவின் தந்தை திடீர் மரணம்: இயக்குனர் சேரன் உருக்கம்

பிக்பாஸ்-3 நிகழ்ச்சியில் கலந்து கொண்டு பிரபலமான லாஸ்லியாவின் தந்தை மரியநேசன் திடீரென உயிரிழந்தார்.

பிக்பாஸ் நிகழ்ச்சியில் கலந்து கொண்டு பிரபலமான இலங்கையை சேர்ந்த லாஸ்லியா, அந்த நிகழ்ச்சியில் அவர் செய்த சேட்டைகளும்,இலங்கை தமிழும் தமிழ் ரசிகர்களை வெகுவாக ஈர்த்தது. அப்பொழுது டிவி தொகுப்பாளியான லாஸ்லியா பிக்பாஸ் வீட்டில் தங்கி இருந்தபோது, தன் தந்தை குறித்தும் அவர் கனடாவில் 10 ஆண்டுகளாக பணிபுரிவதாகவும், அவருடன் பிரிவை குறித்தும் பேசும் போது நம் கண்களிலும் நீரை வரவழைத்தது.அதனை தொடர்ந்து பிக்பாஸ் குழுமத்தின் முயற்சியினால் லாஸ்லியாவின் தந்தை மரியநேசன் அந்த வீட்டிற்குள் லாஸ்லியாவை சந்தித்த காட்சிகள் மனதை நெகிழ செய்தது.

இந்த நிலையில், நடிகை லாஸ்லியாவின் தந்தை மரியநேசன் திடீரென மரணமடைந்ததாக சமூக வலைத்தளங்களில் பரவியது. இதனை உறுதி செய்த லாஸ்லியா தனது டுவிட்டர் பக்கத்தில் தகவலை வெளியிட்டார்.ஆனால் அவர் எப்படி இறந்தார் என்ற எந்த ஒரு காரணத்தையும் இது வரை அவர் வெளியிடவில்லை.லாஸ்லியாவிற்கு பல திரைபிரபலங்கள் ஆறுதல் தெரிவித்து வருகின்றனர்.

இயக்குனர் சேரன் உருக்கம் :

இயக்குனர் சேரன் தனது ட்விட்டர் பக்கத்தில்: லாஸ்லியா… தந்தையின் மேல் எவ்வளவு அன்பும், கனவும் வைத்திருந்தாய் என்பது எனக்கு நன்றாகவே தெரியும். இந்த செய்தியை கேட்டு என் மனமே துடிக்கிறது.. நீ எப்படித் தாங்குவாய் மகளே. சொல்ல முடியாத துயரில் துடிக்கும் உனக்கும்,உன் குடும்பத்திருக்கும் எப்படி ஆறுதல் சொல்லப்போகிறேன் என்று தெரியவில்லை. எனது ஆழ்ந்த அனுதாபங்கள்” என பதிவிட்டுள்ளார்.