No products in the cart.
அரசியலில் பரபரப்பை ஏற்படுத்த ‘தலைவி’ படத்தின் முதல் பாடல் நாளை வெளியீடு…!!
அரசியலில் பரபரப்பை ஏற்படுத்த ‘தலைவி’ படத்தின் முதல் பாடல் நாளை வெளியாகியுள்ளது.
மறைந்த முன்னாள் முதல்வர் ஜெயலலிதாவின் வாழ்க்கை வரலாறு ‘தலைவி’ எனும் பெயரில் திரைப்படமாக உருவாகி உள்ளது. ஏ.எல்.விஜய் இயக்கியுள்ள இந்த திரைப்படத்தில் கங்கனா ரனாவத் ஜெயலலிதா கதாபாத்திரத்தில் நடித்துள்ளார். அண்மையில் வெளியான இந்த படத்தின் டிரெய்லர் வரவேற்பை பெற்றது. இந்நிலையில் இந்த படத்தின் முதல் பாடல் நாளை வெளியாக உள்ளதாக படக்குழுவினர் தெரிவித்துள்ளனர்.
‘தலைவி’ திரைப்படம் ஏப்ரல் 23 ஆம் தேதி வெளியாக உள்ளதால், அதன் இறுதிகட்டப் பணிகள் துரிதமாக நடைபெற்று வருகின்றது. கங்கனா ஜெயலலிதாவாக நடித்துள்ள இந்த திரைப்படத்தின் டிரெய்லர் அண்மையில் வெளியாகி பரபரப்பை ஏற்படுத்தியது. இந்த படத்தில் எம்.ஜி.ஆராக நடிகர் அரவிந்த் சாமி நடித்துள்ளார். அரவிந்த்சாமியின் எம்.ஜி.ஆர். கெட்டப் பலரை வாய் பிளக்க செய்துள்ளது.
ஜெயலலிதாவின் வாழ்க்கை வரலாற்றுப்படத்தில் நடிப்பது மிகவும் சவாலாக இருந்தாக தலைவி திரைப்பட டிரெய்லர் வெளியீட்டு விழாவில் நடிகை கங்கனா ரணாவத் கூறியிருந்தார். இப்படத்தின் பாடல் ஒன்று நாளை வெளியாக உள்ளதாக படக்குழு அறிவித்துள்ளது. இசையமைப்பாளர் ஜி.வி.பிரகாஷ் இசையமைத்துள்ள, இந்த படத்தின் முதல் பாடலை கேட்க ரசிகர்கள் ஆர்வமுடன் உள்ளனர். இப்பாடல் குறித்து வெளியாகியுள்ள கங்கனா ரனாவத்தின் போஸ்டரும் சமூக வலைத்தளங்களில் வைரலாகி வருகிறது.
