வலிமை ஃபர்ஸ்ட் லுக் போஸ்டர் ரிலீஸ் தேதி அறிவிப்பு…!!

வலிமை ஃபர்ஸ்ட் லுக் போஸ்டர் ரிலீஸ் தேதி அறிவிப்பாகியுள்ளது.

ஹெச்.வினோத் இயக்கத்தில் அஜித்தின் 60-வது படமாக உருவாகி வருகிறது ‘வலிமை’. போனி கபூர் தயாரிக்கும் இந்தப் படத்துக்கு நீரவ் ஷா ஒளிப்பதிவு செய்ய யுவன் சங்கர்ராஜா இசையமைக்கிறார். அதிரடி ஆக்‌ஷன் காட்சிகளுடன் உருவாகி வரும் இத்திரைப்படத்தில் அஜித் ஈஸ்வரமூர்த்தி ஐபிஎஸ் என்ற காவல்துறை அதிகாரி கதாபாத்திரத்தில் நடித்திருப்பதாக கூறப்படுகிறது.

முருக கடவுள் தொடங்கி பிரதமர், முதலமைச்சர், கிரிக்கெட் வீரர்கள் என முக்கிய பிரபலங்கள் பலரிடம் தொடர்ச்சியாக ரசிகர்கள் அப்டேட் கேட்டு வந்த நிலையில் அதற்கு விடை கிடைத்திருக்கிறது. அஜித்தின் 50-வது பிறந்தநாளை முன்னிட்டு மே 1-ம் தேதி ‘வலிமை’ படத்தின் ஃபர்ஸ்ட் லுக் மற்றும் புரமோஷன் பணிகள் தொடங்க இருப்பதாக அந்தப் படத்தின் தயாரிப்பாளர் போனி கபூர் தெரிவித்துள்ளார்.

முன்னதாக ‘வலிமை’ படத்தில் அஜித்தின் ஓபனிங் பாடல் துள்ளலிசை பாடலாக அமைத்திருப்பதாகவும், விக்னேஷ் சிவன் எழுதியிருக்கும் அந்தப் பாடல் ரசிகர்களுக்கு விருந்தாக அமையும் என்றும் ஒடிஷாவிலிருந்து திருவிழா ட்ரம்ஸ் கலைஞர்களை அழைத்து வந்து முதல் பாடலை பதிவு செய்ததாக இசையமைப்பாளர் யுவன் சங்கர்ராஜா தெரிவித்திருந்தார்.