No products in the cart.
மீண்டும் டோலிவுட்டில் களம் காணும் இந்திய சூப்பர் ஸ்டார் அமிதாப் பச்சன் – பிரபாஸ் மற்றும் தீபிகா படுகோனுடன் இணைகிறார்
வைஜெயந்தி மூவிஸ் தயாரித்து பிரபாஸ் மற்றும் தீபிகா படுகோன் நடிக்கவிருக்கும் தெலுங்கு திரைப்படத்தில் முக்கிய கதாபாத்திரத்தில் நடிகர் அமிதாப் பச்சன் நடிக்கவிருக்கிறார்.
ஆந்திராவை சேர்ந்த வைஜயந்தி திரைப்பட நிறுவனம் கடந்த ஐம்பது ஆண்டுகளாக மிக சிறந்த திரைப்படங்களை கொடுத்து வருகிறது. இந்நிறுவனத்தின் தயாரிப்பில் வெளிவந்த நடிகையர் திலகம் சாவித்திரியின் வாழ்க்கையை மையமாக கொண்டு எடுக்கப்பட்ட மகாநடி திரைப்படம் மிகப்பெரிய வெற்றி அடைந்தது. இந்த திரைப்படத்தில் சாவித்திரியாக நடித்த கீர்த்தி சுரேஷ்க்கு தேசிய விருதும் கிடைத்தது. இந்த திரைப்படம் ஒரே நேரத்தில் தமிழிலும் எடுக்கப்பட்டது. இந்த திரைப்படத்தின் இயக்குனர் நாக் அஸ்வின் ஆவார். தற்பொழுது இதே நிறுவனத்திற்காக நாக் அஸ்வின் இயக்கும் திரைப்படத்தில் பிரபாஸும் தீபிகா படுகோனும் சேர்ந்து நடிக்க உள்ளனர். இதில் இந்திய சூப்பர் ஸ்டார் அமிதாப் பச்சன் முக்கிய கதாபாத்திரத்தில் நடிக்கிறார். இவர் ஏற்கனவே நாகர்ஜுனா, நாக சைதன்யா, சமந்தா நடித்த மனம் திரைப்படத்தில் கௌரவ வேடம் ஏற்று நடித்தது குறிப்பிடத்தக்கது.
