நீட் தேர்வு விடைக்குறிப்புகள் வெளியீடு

நீட் தேர்வுக்கான விடைக்குறிப்புகளை தேசிய தேர்வு முகமை (என்டிஏ) வெளியிட்டுள்ளது.

எம்பிபிஎஸ், பிடிஎஸ் உள்ளிட்ட படிப்புகளில் சேருவதற்கான நீட் தேர்வு கடந்த ஜூலை 17ம் தேதி நடைபெற்றது. நாடு முழுவதும் சுமார் 4 ஆயிரத்திற்கும் மேற்பட்ட தேர்வு மையங்கள் அமைக்கப்பட்டிருந்தன. தமிழகத்தில் 18 நகரங்களில் 200க்கும் மேற்பட்ட மையங்களில் தேர்வு நடைபெற்றது. இதில் 1 லட்சத்திற்கும் மேற்பட்டோர் தேர்வு எழுதினர். தேர்வு, தமிழ், ஆங்கிலம், இந்தி, தெலுங்கு, கன்னடம், குஜராத்தி, மராத்தி, ஒடியா,அசாமி, வங்காளம், உருது உள்ளிட்ட மொழிகளில் நடைபெற்றது. இதற்கான தேர்வு முடிவுகள் வரும் செப்டம்பர் 7ம் தேதி வெளியாகவுள்ளது. இந்த நிலையில் நீட் விடைக்குறிப்புகளை என்டிஏ இணையதளப் பக்கத்தில் வெளியிட்டுள்ளது.