பேராசிரியர்களின் அசல் சான்றிதழ்களை பல்கலைகழகத்திடம் ஒப்படைக்க வேண்டும்-பொறியியல் கல்லூரிகளுக்கு அண்ணா பல்கலைகழகம் உத்தரவு

பேராசிரியர்களின் அசல் சான்றிதழ்களை பல்கலைகழகத்திடம் ஒப்படைக்க வேண்டும் என்று பொறியியல் கல்லூரிகளுக்கு அண்ணா பல்கலைகழகம் உத்தரவிட்டுள்ளது. அண்ணா பல்கலைகழகப் பதிவாளர் கருணாமூர்த்தி உத்தரவுப்படி, அண்ணா பல்கலைக்கழகத்தின் பொறியியல் இணைப்புக் கல்லூரிகளுக்கு அனுப்பப்பட்டுள்ள சுற்றறிக்கையில் கூறப்பட்டுள்ளதாவது-

அசல் சான்றிதழ்கள்
அனைத்துப் பொறியியல் கல்லூரிகளில் பேராசிரியர்கள், உதவிப் பேராசிரியர்களைப் பணியமர்த்தும்போது அவர்களது அனைத்துச் சான்றிதழ்களையும் சரிபார்த்து விட்டு அசல் சான்றிதழ்களை பல்கலைக்கழகத்திடம் உடனடியாகத் திருப்பிக் கொடுக்க வேண்டும்.
கல்லூரி நிர்வாகங்கள் நகலை மட்டுமே பெற வேண்டும். அதேபோல ஆசிரியர்களைப் பணியமர்த்தும் பணி வெளிப்படைத்தன்மையுடன் நடைபெற வேண்டும்.

யோகா
பேராசிரியர்களின் பணிச்சுமையை குறைத்து அவர்கள் மன அழுத்தத்துக்கு ஆளாவதைத் தவிர்க்க, யோகா உள்ளிட்ட பயிற்சிகளை அளிக்க வேண்டும். இவ்வாறு அதில் தெரிவிக்கப்பட்டுள்ளது.