பாரதிய ஜனதா கட்சி பேஸ்புக் விளம்பரத்திற்கு இத்தனை கோடியா!!
உலக அளவில் புகழ்பெற்ற சமூக வலைதளமான பேஸ்புக்கில் சமூகத்தில் நிகழும் பிரச்சனைகள், செய்திகள்தேர்தல் மற்றும் அரசியல் ஆகிய பிரிவுகளின் கீழ்அதிகளவில் விளம்பரம் செய்துள்ள டாப் 10 விளம்பரதாரர்களில் பாரதிய ஜனதா கட்சியை முதலிடம் பிடித்துள்ளது.
அதற்கு அடுத்து இரண்டாம் இடத்தில் எதிர்க்கட்சியான காங்கிரஸ் கட்சி இடம் பெற்றுள்ளது. சமூக ஊடக நிறுவனங்களின்செலவு கண்காணிப்பில் சென்ற24ம் தேதி வரை கிடைக்கப்பெற்ற தகவல்களின்படி, பல்வேறு பிரிவுகளில் அதிகம் விளம்பரம் செய்த டாப் 10 விளம்பரதாரர்களில் பா.ஜ.க.வுடன் 4 விளம்பரதாரர்கள் தொடர்பில் இருந்துள்ளார்கள்.
இந்தியாவில் பேஸ்புக்கில் உள்ள பிரிவுகளில் இந்த டாப் 10 விளம்பரதாரர்கள் மொத்தமாக ரூ.15.81 கோடி செலவு செய்துள்ளனர். அதில் பா.ஜ.க. மட்டும் பிப்ரவரி 2019 முதல் சென்ற 18 மாதங்களில் பேஸ்புக்கில் அளிக்கப்பட்ட விளம்பரத்துக்கு மட்டும்ரூ.4.61 கோடி செலவு செய்துள்ளது. அதற்கு அடுத்தாற்போல்பிரதான எதிர்க்கட்சியான காங்கிரஸ்கட்சி பேஸ்புக்கில் அளிக்கப்படும் விளம்பரத்துக்காக ரூ.1.84 கோடி செலவு செய்துள்ளது. இதனை அடுத்து அரவிந்த் கெஜ்ரிவாலின் ஆம் ஆத்மி கட்சி பேஸ்புக் விளம்பரத்துக்காக மட்டும் ரூ.69 லட்சத்தை செலவு செய்துள்ளது.
டாப் 10 விளம்பரதாரர்களில் செய்தி அளிக்கும் வலைதளமான டெய்லிஹண்ட், ஆன்லைன் வர்த்தக பிரதிநிதி தளமான பிளிப்கார்ட் மற்றும் வீடியோ ஷேர் ஆப் பப்ளிக் போன்றவையும் இடம்பெற்றுள்ளன. டெய்லிஹண்ட் பேஸ்புக்கில் விளம்பரம் செய்ததற்காக மட்டும் சுமார் ரூ.1 கோடிக்கும் அதிகமாக செலவு செய்துள்ளது. இதனையடுத்து பிளிப்கார்ட் நிறுவனம் ரூ.86.43 லட்சத்தை பேஸ்புக் விளம்பரத்துக்காக மட்டும் செலவு செய்துள்ளது. வீடியோ ஷேர்பப்ளிக் ஆப் அவர்களுடைய விளம்பரத்துக்காக பேஸ்புக் நிறுவனத்துக்கு சுமார் ரூ.1.24 கோடி அளித்துள்ளது என தகவல்கள் தெரிவிக்கின்றன.
