மகாராஷ்டிராவில் பயணிகள் ரயிலும் சரக்கு ரயிலும் ஒன்றுடன் ஒன்று மோதிய விபத்தில் 50க்கும் மேற்பட்டோர் படுகாயமடைந்தனர்.
![Maharashtra: Over 50 injured in collision between passenger, goods train in Gondia | India News – India TV](https://i0.wp.com/resize.indiatvnews.com/en/resize/newbucket/730_-/2022/08/vefkdfgxhfgh20817023725-1660706190.jpg?resize=756%2C425&ssl=1)
சத்திஸ்கர் மாநிலம் பிலாஸ்பூரில் இருந்து ராஜஸ்தான் மாநிலம் ஜோத்பூர் நோக்கி சென்று கொண்டிருந்த பயணிகள் ரயில் மகாராஷ்டிரா மாநிலம் கோண்டியா ரயில்நிலையம் அருகே சென்றபோது அந்த வழியாக வந்த சரக்கு ரயில் மீது மோதி விபத்துக்குள்ளானது. இதில் பயணிகள் ரயிலின் 3 பெட்டிகள் தடம்புரண்டன. விரைந்து வந்த ரயில்வே காவல்துறையினர் இடிபாடுகளில் சிக்கியவர்களை பத்திரமாக மீட்டனர். இதில் 50க்கும் மேற்பட்டோர் படுகாயமடைந்தனர்.
அதிகாலை 2:30 மணிக்கு இந்த விபத்து நடந்துள்ளது. ரயில்நிலையம் அருகே இருப்பதால் ரயில்கள் மெதுவாக சென்றுள்ளன. அதனால், அதிர்ஷ்டவசமாக உயிர்சேதம் எதுவும் ஏற்படவில்லை. விபத்தில் காயமடைந்தவர்களுக்கு சிகிச்சை அளிக்கப்பட்டு வருகிறது என முதற்கட்ட விசாரணையில் தெரியவந்துள்ளது.