ஆணுறை விற்பனை 570 மடங்கு அதிகரிப்பு ஸ்விக்கி தகவல்
ஆணுறை விற்பனை கடந்த ஆண்டை விட 570 மடங்கு அதிகரித்துள்ளதாக தகவல் வெளியாகியுள்ளது.
பிரபல உணவு டெலிவரி நிறுவனமான ஸ்விக்கி தன் இன்ஸ்டாமார்ட் தளத்தின் மூலம் கடந்த 2020ம் ஆண்டு ஆகஸ்டு மாதம் முதல் மளிகை,இறைச்சி உள்ளிட்ட பொருட்களை வாடிக்கையாளர்களுக்கு டெலிவரி செய்து வருகிறது. இன்ஸ்டாமார்ட் குறுகிய காலத்திலேயே நகர வாடிக்கையாளர்கள் மத்தியில் மிகவும் பிரபலமடைந்தது. குறிப்பாக கொரோனா காலக்கட்டத்தில் பெருமளவில் வளர்ச்சியை அடைந்தது.
இந்நிலையில் ஸ்விக்கி தளம் நடத்திய ஆய்வின்படி, இன்ஸ்டாமார்ட் தளத்தில் மளிகைப் பொருட்கள் ஆர்டர்கள் கடந்த ஆண்டில் மட்டும் 16 மடங்கு அதிகரித்துள்ளது தெரியவந்துள்ளது. அதிலும், பெங்களூரு,மும்பை, ஐதராபாத், டெல்லி, சென்னை உள்ளிட்ட மெட்ரோ நகரங்களில் இந்த தளத்தை பெருமளவு பயன்படுத்தியதாக தெரிவிக்கப்பட்டுள்ளது. குறிப்பாக மும்பையில் உள்ள பயனர்கள் கடந்த ஆண்டை விட 570 மடங்கு அதிகமான ஆணுறைகளை ஆர்டர் செய்தது இந்த கணக்கெடுப்பில் தெரியவந்துள்ளது. இதேபோல், பெங்களூரு, மும்பை, ஐதராபாத், டெல்லி, சென்னை ஆகிய நகரங்கள் சானிட்டரி நாப்கின்கள், மாதவிடாய் கப்கள், டம்பான்கள் ஆகியவற்றை அதிக அளவில் ஆர்டர் செய்துள்ளன.
மெட்ரோ நகரங்களில் ஆர்டர் பட்டியல்:
*கடந்த ஆண்டு ஏப்ரல் முதல் ஜூன் வரையிலான காலக்கட்டத்தில் ஐஸ்கிரீமின் தேவை 42% உயர்ந்துள்ளது.ஐஸ்கிரீம்கள் பெரும்பாலும் இரவு 10 மணிக்கு மேல்தான் ஆர்டர் செய்யப்பட்டுள்ளன.
*5.6 மில்லியன் மக்கள் இன்ஸ்டண்ட் நூடுல்ஸ் பாக்கெட்களை ஆர்டர் செய்துள்ளனர்.
*சோயா, ஓட்ஸ், பால் உள்ளிட்டவை பெங்களூருவில் அதிகம் விற்பனை ஆகியுள்ளன.
*கடந்த ஆண்டில் 62,000 டன் பழங்கள், காய்கறிகள் ஆர்டர் செய்யப்பட்டுள்ளன.
*12,000 ஆர்டர்களுடன் ஆர்கானிக் பொருட்களை வாங்குபவர்களின் பட்டியலில் பெங்களூரு முதலிடத்தில் உள்ளது.
