சிபிஎஸ்இ 10-ம் வகுப்பு தேர்வு முடிவு நாளை வெளியீடு.! மத்திய அமைச்சர் அறிவிப்பு

சிபிஎஸ்இ 10-ம் வகுப்பு தேர்வு முடிவு நாளை வெளியிடப்படும் என்று மத்திய மனிதவள மேம்பாட்டுத்துறை அமைச்சர் ரமேஷ் பொக்ரியால் அறிவித்துள்ளார்.

நாடு முழுவதும் உள்ள சிபிஎஸ்இ பள்ளிகளில் பிப்ரவரி மாதம் 12 ஆம் வகுப்புகளுக்கான பொதுத் தேர்வும், மார்ச் மாதம் 10 ஆம் வகுப்புகளுக்கான பொதுத்தேர்வுகளும் நடைபெற்றது. சில பாடங்களுக்கான தேர்வுகள் நடைபெற்ற போதும் பின்னர் கொரோனா அச்சுறுத்தல் காரணமாக சில தேர்வுகள் ரத்து செய்யப்பட்டன. இதையடுத்து, ரத்து செய்யப்பட்ட தேர்வுகளுக்கு அகமதிப்பீடு, செயல்முறை தேர்வுகளின் அடிப்படையில் மதிப்பெண் வழங்க கடந்த மாதம் 26 ஆம் தேதி உச்ச நீதிமன்றம் அனுமதியளித்தது. இதனால் மாணவர்களின் மதிப்பெண்களை கணக்கீடும் பணியில் சிபிஎஸ்இ ஈடுபட்டு வருகிறது.

இந்தநிலையில், ஜூலை 15 முதல் ஜூலை 11 ஆம் தேதிக்குள் தேர்வு முடிவுகள் அறிவிப்பு தேதியை முன்கூட்டியே வெளியிட சிபிஎஸ்இ முடிவு செய்துள்ளதாக சமூக வலைதளங்களில் தகவல்கள் வெளியானது. இந்த போலியான செய்திகள் தேர்வு எழுதிய மாணவ, மாணவிகளிடையே பெரும் குழப்பத்தை உருவாக்கி வந்தது. இதை தொடர்ந்து, அவர்களின் குழப்பத்திற்கு முற்றுப்புள்ளி வைக்கும் வகையில் மத்திய மனிதவள மேம்பாட்டுத்துறை அமைச்சர் ரமேஷ் போக்ரியால் சிபிஎஸ்இ 10 ஆம் வகுப்பு தேர்வு முடிவுகள் நாளை வெளியாகும் என தெரிவித்துள்ளார். 

ஆன்லைனின் மூலம் தேர்வு முடிவுகளை மாணவர்கள் அறிந்துக்கொள்ளலாம் என்று அமைச்சர் ரமேஷ் பொக்ரியால் தெரிவித்துள்ளார்.