பயிர் காப்பீட்டுத் திட்டத்தை செயல்படுத்த தமிழ்நாடு அரசு ₹2,057.25 கோடி விடுவிப்பு

பயிர்க் காப்பீட்டுத்திட்டத்தை செயல்படுத்துவதற்காக தமிழ்நாடு அரசு ₹2,057.25 கோடி நிதியினை அனுமதித்து, அரசாணை வெளியிட்டுள்ளது.

நடப்பாண்டில் தமிழ்நாட்டில் எதிர்வரும் சிறப்பு பருவம் மற்றும் ராபி பருவத்தில் பயிர் காப்பீட்டுத் திட்டத்தினை செயல்படுத்த இந்திய வேளான் காப்பீட்டுக்கழகம், இப்கோ-டோக்கியோ, பஜாஜ் அலையன்ஸ், எச்டிஎப்சி எர்கோ மற்றும் ரிலையன்ஸ் போன்ற 5 காப்பீட்டு நிறுவனங்களை அரசு தேர்ந்தெடுத்துள்ளது. 2022-23ம் ஆண்டில் விவசாயிகள் சார்பாக, காப்பீடு நிறுவனங்களுக்கு செலுத்த வேண்டிய காப்பீட்டுக் கட்டணத் தொகையில் மாநில அரசின் பங்குத்தொகையான ₹2,057 கோடியே 25 லட்சத்து 48 ஆயிரம் ரூபாயை அனுமதித்து தமிழ்நாடு அரசு ஆணையிட்டுள்ளது. மேலும், தேசிய கூட்டுறவு வங்கிகள் மற்றும் தொடக்க வேளாண்மை கூட்டுறவு வங்கிகளில் உரிய ஆவணங்களுடன் விவசாயிகள் பயிர் காப்பீடை செய்யலாம் என அறிவித்துள்ளது.