ஹைட்ரோகார்பன் திட்டத்தை ரத்து செய்து முழுமையாக கைவிட வேண்டும்… இந்திய கம்யூனிஸ்டு வலியுறுத்தல்…

ஹைட்ரோகார்பன் திட்டத்தை ரத்து செய்து முழுமையாக கைவிட வேண்டும் என்று இந்திய கம்யூனிஸ்டு கட்சியினர் வலியுறுத்தியுள்ளது.

ஹைட்ரோகார்பன் திட்டத்தை ரத்து செய்து முழுமையாக கைவிட வேண்டும் என்று இந்திய கம்யூனிஸ்டு கட்சியினர் வலியுறுத்தியுள்ளது.
இதுதொடர்பாக, இந்திய கம்யூனிஸ்டு மாநில செயலாளர் முத்தரசன் இன்று வெளியிட்ட அறிக்கையில் கூறியிருப்பதாவது:-
ஹைட்ரோகார்பன் திட்டம்
மத்திய அரசு, இயற்கை வளங்களைப் பெருவணிகக் குழும நிறுவனங்களின் லாப வேட்டைக்குப் பலியிட்டு வருகிறது. வேதாந்தா, ஓ.என்.ஜி.சி. போன்ற நிறுவனங்களுக்குத் தமிழ்நாட்டின் கடலோரப் பகுதிகளிலும், ஆழ்கடல் பகுதியிலும் ஹைட்ரோகார்பன் எடுக்க உரிமங்கள் வழங்கப்பட்டுள்ளன. இதன் மூலம் மீனவர்கள், விவசாயிகள், விவசாயத் தொழிலாளர்கள் வாழ்வாதாரம் முற்றிலுமாக பறிபோகும் பேரபாயம் ஏற்பட்டுள்ளது.

கைவிட வேண்டும்
தமிழ்நாடு முதல்வர் காவிரி பாசனப் பகுதியைப் பாதுகாக்கப்பட்ட சிறப்பு வேளாண் மண்டலமாக அறிவித்தார். தொடர்ந்து அரசாணையும் வெளியிடப்பட்டது. ஆனால், இந்தப் பகுதியில் ஹைட்ரோகார்பன் எடுக்க பன்னாட்டு நிறுவனங்களுக்கு உரிமம் வழங்கியதை தமிழ்நாடு அரசு எதிர்க்காமல் வாய் மூடி மௌனம் காத்து வருகின்றது.
தமிழக மக்களின் நலனுக்கு எதிராகச் செயல்படும் மத்திய பாஜக அரசை வன்மையாகக் கண்டிப்பதுடன், ஹைட்ரோகார்பன் எடுக்க வழங்கியுள்ள உரிமங்களை உடனடியாக ரத்து செய்து, அத்திட்டத்தை முழுமையாகக் கைவிட வேண்டும்.
அழுத்தம் தர வேண்டும்

இது தொடர்பாக அ.தி.மு.க. அரசும், முதல்வர் உள்ளிட்ட கடலோர மாவட்ட அமைச்சர்களும் மத்திய அரசுக்கு வலுவான அழுத்தம் கொடுத்து திட்டத்தை ரத்து செய்ய வலியுறுத்த வேண்டும்.
இவ்வாறு அதில் தெரிவிக்கப்பட்டுள்ளது.