ரோஹித் சர்மா அரைசதம் :பஞ்சாப் அணிக்கு 192 ரன்கள் இலக்கு

கடைசி நேரத்தில் ஹர்திக்,பொல்லார்ட் அதிரடியால் பஞ்சாப் அணிக்கு 192 ரன்கள் இலக்காக வழங்கியது மும்பை இந்தியன்ஸ் அணி

மும்பை இந்தியன்ஸ் எதிரான இன்றைய ஐ.பி.எல் 13 வது ஆட்டத்தில் கிங்ஸ் லெவன் பஞ்சாப் டாஸ் வென்று பந்து வீச்சை தேர்வு செய்தது.அதனை தொடர்ந்து மும்பை இந்தியன்ஸ் சார்பாக தொடக்க வீரர்களாக கேப்டன் ரோஹித் சர்மா,டி காக் களம் இறங்கினர்.காட்ரல் வீசிய முதல் ஓவரில் டி காக் ரன்கள் எதுவும் இன்றி வெளியேற,அடுத்து களம் இறங்கிய சூர்ய குமார் யாதவ் 2 பௌண்டரிகள் அடித்து ரன் அவுட் ஆகி நடையை கட்டினார்.கடைசி போட்டியில் அட்டகாசமாய் விளையாடிய இஷான் கிஷன் ரோஹித் உடன் கை கோர்க்க,மும்பை அணி 13 ஓவர் முடிவில் 2 விக்கெட் இழப்பிற்கு 82 ரன்கள் எடுத்து இருந்தது.தொடர்ந்து அடிப்பார் என்று எதிர்பார்க்கப்பட்ட இஷான் கிஷன் (28 ரன்கள்,32பந்துகள்) கெளதம் வீசிய பந்தில் கருண் நாயரிடம் கேட்ச் கொடுத்து அவுட் ஆனார்.

பொல்லார்ட் மற்றும் ரோஹித் ரவி பிஸ்னாய் வீசிய 15 வது ஓவரில் அடுத்தடுத்து 2 தலா ஒரு சிக்ஸர் அடிக்க மும்பை அணி 100 ரன்களை கடந்தது.நீசம் வீசிய ஒரு ஓவரில் கேப்டன் ரோஹித் சர்மா 1 பௌண்டரி அடித்து அரை சதம் கடக்க,அதே ஓவரில் மேலும் ஒரு பௌண்டரி,2 சிக்ஸர்கள் அடித்து நொறுக்கினார்.அடுத்து ரோஹித் சர்மா (70 ரன்கள்,45 பந்துகள்) சமி ஓவரில் மேக்ஸ்வல்லிடம் கேட்ச் கொடுத்து அவுட் ஆனார். அடுத்து களம் இறங்கிய ஹர்திக் நீசம் வீசிய 18 வது ஓவரில் 1 சிக்ஸர்,2 பௌண்டரி அடித்து அசத்த மும்பை அணி 18 ஓவர் முடிவில் 4 விக்கெட் இழந்து 147 ரன்கள் எடுத்து இருந்தது.மறுமுனையில் பொல்லார்ட் அடுத்த ஓவர் தன் பங்கிற்கு 4 பௌண்டரிகள் அடித்து அசத்தினார்.

கெளதம் வீசிய கடைசி ஓவரில் ஹர்திக் 1 சிக்ஸர் அடிக்க,பொல்லார்ட் 3 சிக்ஸர்களை பறக்க விட்டார்.20 ஓவர் முடிவில் மும்பை அணி 191 ரன்கள் அடித்து பஞ்சாப் அணிக்கு 192 ரன்களை இலக்காக வழங்கியது.ஹர்திக் பாண்டியா 30 ரன்கள்,பொல்லார்ட் 47 ரன்களுடன் அவுட் ஆகாமல் களத்தில் இருந்தனர்.

ரோஹித் சர்மா ஐ.பி.எல் வரலாற்றில் 5000 ரன்களை கடந்து சாதனை படைத்தார்.