நிவர் புயல் காரணமாக ஐ.டி.ஐ. தேர்வுகள் மாற்றம் தமிழக அரசு அறிவிப்பு

நிவர் புயல் காரணமாக தமிழகத்தில் ஐ.டி.ஐ. தேர்வுகள் மாற்றப்பட்டுள்ளதாக தமிழக அரசு அறிவித்துள்ளது. இதுதொடர்பாக, தமிழக அரசு இன்று வெளியிட்ட செய்திக்குறிப்பில் கூறியிருப்பதாவது:-
நிவர் புயல்
வேலைவாய்ப்பு மற்றும் பயிற்சித் துறையின்கீழ் செயல்படும் அரசு மற்றும் தனியார் தொழிற்பயிற்சி நிலையங்களுக்கு நவம்பர் 23-ந் தேதி முதல் அகில இந்தியத் தொழிற்தேர்வு நடைபெற்று வருகிறது. நிவர் புயல் காரணமாக தமிழ்நாடு அரசு 7 மாவட்டங்களுக்கு முன்னெச்சரிக்கையாக அனைத்து பொதுப் போக்குவரத்துகளும் நவம்பர் 24-ந் தேதி முதல் நிறுத்தம் செய்ய ஆணை பிறப்பித்துள்ளது.

ஐ.டி.ஐ. தேர்வு மாற்றம்
இதன் காரணமாக மத்திய அரசு ஒப்புதலுடன் நவ.25 முதல் நவ.27 வரை நடைபெறவிருந்த அகில இந்திய தொழிற்தேர்வு (ஐ.டி.ஐ.) தமிழ்நாட்டின் அனைத்து மாவட்டங்களிலும் டிசம்பர் 3 முதல் டிசம்பர் 5 வரை மாற்றப்பட்டுள்ளது.
இவ்வாறு அதில் தெரிவி்க்கப்பட்டுள்ளது.