தாத்தா ஆனார் நடிகர் சீயான் விக்ரம்…குவியும் வாழ்த்துக்கள்..

நடிகர் சீயான் விக்ரமின் மகளுக்கு பெண் குழந்தை பிறந்துள்ளது. இதையடுத்து தாத்தான ஆன அவருக்கு ரசிகர்கள் வாழ்த்துக்களைத் தெரிவித்து வருகின்றனர்.

மறைந்த திமுக தலைவர் மு. கருணாநிதியின் மகன் மு.க.முத்து – சிவகாம சுந்தரியின் மகள் வழிப் பேரனும், கெவின்கேர் நிறுவனத் தலைவர் சி.கே.ரங்கநாதன் மகன் மனு ரஞ்சித்துக்கும் நடிகர் விக்ரம் மகள் அக்ஷிதாவுக்கும் 2017 அக்டோபர் மாதம் திருமணம் சென்னையில் விமரிசையாக நடைபெற்றது.

கோபாலபுரம் இல்லத்தில் கருணாநிதியின் தலைமையில் நடந்த இந்தத் திருமணத்தில் அரசியல்வாதிகள், நடிகர், நடிகைகள், பிரபலங்கள், தொழிலதிபர்கள் பங்கேற்றனர். இந்நிலையில் விக்ரமின் மகள் அக்ஷிதாவுக்கு அண்மையில் பெண் குழந்தை பிறந்துள்ளது. இதன்மூலம் நடிகர் விக்ரம் தாத்தா ஆகியுள்ளார்.
இதையடுத்து அவருக்கு ரசிகர்கள் வாழ்த்துகளைக் குவித்து வருகின்றனர்.