நடிகரை அபகரித்த பிரபல நடிகை… போலீசார் தீவிர விசாரணை

நடிகர் பாபுஷானை கஞ்சா கொடுத்து அபகரித்ததாக அவர் மனைவி அளித்த புகாரில் போலீசார் பிரபல ஒடிசா நடிகை ப்ரக்ருதியிடம் தீவிர விசாரணை மேற்கொண்டனர்.

ஒடிசாவை சேர்ந்த பிரபல நடிகை ப்ரக்ருதி மிஷ்ரா. இவர், தேசிய விருது உள்பட பல்வேறு விருதுகளை குவித்துள்ளார். இந்த நிலையில் கடந்த வாரம் நடிகர் பாபுஷானுடன் காரில் சென்று கொண்டிருந்த போது நடிகரின் மனைவி த்ருப்தி காரை ஓவர்டேக் செய்து ப்ரக்ருதியின் முடியை பிடித்து இழுத்து சண்டை போட்டார். அவர் ஆட்டோவில் ஏற முயற்சித்தபோதும் விடவில்லை. நடுரோட்டில் வைத்து தாக்கினார். இந்த வீடியோ இணையத்தில் வைரலானது.

இதையடுத்து ப்ரக்ருதியின் தாயார்,  த்ருப்தி மீது காவல் நிலையத்தில் புகார் அளித்தார். இதனிடையே தன்னுடைய கணவருக்கு கஞ்சா கொடுத்து அவரை அபகரித்துவிட்டதாக ப்திருப்தியும் புகார் அளித்துள்ளார். இது தொடர்பாக ப்ரக்ருதியிடம் போலீசார் விசாரணை நடத்தியுள்ளனர். ஒரு மணி நேரத்திற்கும் மேலாக ப்ரக்ருதியின் பெற்றோர் முன்னிலையில் இந்த விசாரணை நடைபெற்றது.