No products in the cart.
மன்னிப்பு கேட்டார் ‘கோப்ரா’ பட இயக்குநர்
அஜய் ஞானமுத்து இயக்கத்தில், விக்ரம் நடித்திருக்கும் படம் கோப்ரா. படத்தின் கதாநாயகியாக கேஜிஎப் புகழ் ஸ்ரீநிதி ஷெட்டி நடித்துள்ளார்.
மேலும், கிரிக்கெட் வீரர் இர்பான் பதான், கே.எஸ்.ரவிக்குமார், ஆனந்தராஜ், ரோபோ சங்கர், மிருணாளினி ரவி ஆகியோர் முக்கிய கதாபாத்திரங்களில் நடித்துள்ளனர். படத்திற்கு ஏ.ஆர்.ரகுமான் இசையமைத்துள்ளார். படம் ஆகஸ்டு 31ம் தேதி திரையரங்குகளில் ரிலீஸ் ஆகிறது.
இந்த நிலையில் புரமோஷன் பணிகளில் படக்குழு தீவிரமாக ஈடுபட்டு வருகிறது. இதில் இயக்குநர் அஜய் ஞானமுத்து கலந்து கொள்ளவில்லை. இதுகுறித்து ரசிகர்கள் கேள்வி எழுப்பி வந்த நிலையில், அவர், பதிவு ஒன்றை பகிர்ந்துள்ளார்.
அதில், மன்னித்துவிடுங்கள், படத்தின் இறுதிக்கட்ட பணிகள் நடைபெறுவதால் கலந்து கொள்ள முடியவில்லை, விரைவில் புரமோஷனில் கலந்து கொள்வேன். ஆனால், என்னுடைய அமேசிங் டீம், ஸ்ரீநிதி ஷெட்டி, மிர்ணாளினி ரவி உள்ளிட்ட அனைவரும் எங்கள் கிங் கோப்ரா விக்ரம் சாருடன் புரமோஷனில் ஈடுபடுவதை பார்க்கும் போது மகிழ்ச்சியாக இருக்கிறது என்று கூறியுள்ளார்.
