No products in the cart.
அந்த ஒரு விஷயத்திற்காகதான் திருமணம் செய்து கொண்டேன்- ராதிகா ஆப்தே
தமிழ், தெலுங்கு, இந்தி என பல்வேறு மொழி திரைப்படங்களில் நடித்து திரையுலகை கலக்கி வரும் ராதிகா ஆப்தே, தனக்கு திருமண சடங்குகளில் நம்பிக்கை இல்லை என தெரிவித்துள்ளார்.
தமிழில் சூப்பர் ஸ்டார் ரஜினிகாந்த் ஜோடியாக கபாலி படத்தில் நடித்து புகழ் பெற்றவர் ராதிகா ஆப்தே. தனது இயல்பான நடிப்பால் ரசிகர்களை கவர்ந்து விடுவார். ஆல் இன் ஆல் அழகுராஜா, வெற்றிச்செல்வன் உள்ளிட்ட தமிழ் திரைப்படங்களிலும் நடித்து இருக்கிறார். பாலிவுட்டின் வெப் சீரிஸ்களில் ராதிகா இல்லாத சீரிஸ்களே இல்லை என்ற அளவிற்கு நடித்து வருகிறார்.
இந்நிலையில் ராதிகா ஆப்தே அளித்துள்ள பேட்டியில், ‘‘நான் 8 வருடங்களுக்கு முன்பு இங்கிலாந்தை சேர்ந்த பெனட்டிக் டைலர் என்ற இசைக்கலைஞரை திருமணம் செய்து கொண்டேன். ஆனாலும் எனக்கு திருமண முறைகள் மீது நம்பிக்கையே இல்லை. அப்படியென்றால் எதற்காக நீங்கள் திருமணம் செய்து கொண்டீர்கள் என்று என்னை கேட்கலாம்.
நான் இங்கிலாந்து செல்ல விசா வாங்குவதற்காக மட்டும்தான் திருமணம் செய்ய ஒப்புக் கொண்டேன். இங்கிலாந்து இளைஞரை மணந்தாலும் இப்போது நான் இந்தியாவில்தான் இருக்கிறேன். அவ்வப்போது இங்கிலாந்துக்கு சென்று எனது கணவரை சந்தித்துவிட்டு வருகிறேன். சினிமாவில் நடிப்பதற்காக எனது கணவரை பிரிந்து மும்பையில் வசித்து வருகிறேன் என்று தகவல்கள் பரவுகிறது.
அதில் உண்மை இல்லை.
வெளிநாட்டை சேர்ந்தவரை திருமணம் செய்தால் விரைவாகவும், எளிதாகவும் அந்த நாட்டிற்கு செல்ல விசா கிடைக்கும் என்றனர். அதற்காகத்தான் அவரை திருமணம் செய்து கொண்டேன். அதன்பிறகு எனது வேலையை நான் செய்து கொண்டு இருக்கிறேன். அவசியம் ஏற்படும்போது கணவரை இங்கிலாந்து சென்று சந்தித்து விட்டு வருகிறேன்” என்றார்.
