மீண்டும் வெளியாக தயாராக இருக்கிறது பிச்சைக்காரன் 2 திரைப்படம்

இசையமைப்பாளராக அறிமுகமாகி தற்போது நடிகராகவும் கலக்கி வருபவர் தான் விஜய் ஆண்டனி இவர் சமீபத்தில் இயக்கி நடித்திருந்த ‘பிச்சைக்காரன் 2’ திரைப்படமானது கடந்த 19-ஆம் தேதியன்று திரையரங்குகளில் வெளியாகி கலவையான விமர்சனங்களை பெற்றது. இதில் காவ்யா தப்பார், ராதா ரவி, ஒயி ஜி மகேந்திரன், மன்சூர் அலிகான், ஜான் விஜய், ஹரிஷ் பேரடி, யோகி பாபு உள்ளிட்ட பலர் நடித்துள்ளனர். இப்படம் ரூ.30 கோடிக்கு மேல் வசூலை குவித்தது குறிப்பிடத்தக்கது. மேலும், இந்தப்படத்தின் வெற்றி விழா விசாகப்பட்டினத்தில் கடந்த மாதம் வெற்றிகரமாக கொண்டாடப்பட்டது. இந்த நிலையில், ‘பிச்சைக்காரன் 2’ திரைப்படத்தின் ஓடிடி ரிலீஸ் தேதி குறித்த அறிவிப்பு தற்போது வெளியாகி இருக்கிறது. அதன்படி, ‘பிச்சைக்காரன் 2’ திரைப்படமானது வருகிற 18-ஆம் தேதி ஹாட் ஸ்டார் மற்றும் ஓ.டி.டி தளத்தில் வெளியாகவுள்ளது. இந்த அதிகாரப்பூர்வ அறிவிப்பை அந்த படக்குழு போஸ்டர் ஒன்றை வெளியிட்டு அறிவித்துள்ளது என்பது குறிப்பிடத்தக்கது.