பிரபல இயக்குநர்கள் பங்களிப்பில் ,முன்னணி கதாநாயகர்கள், நாயகிகளை கொண்டு உருவாகியுள்ள திரைப்படம் ”குட்டி ஸ்டோரி “. இந்த திரைபடத்தை ஐசரி கணேஷ் தயாரித்துள்ளார், பிப்ரவரி 12 திரையரங்குகளில் வெளியாகும் என எதிர்பார்கபடுகிறது.
கெளதம் மேனன், விஜய், வெங்கட் பிரபு, நலன் குமாரசாமி ஆகியோர் தனித்தனிக் கதைகளுடன் குட்டி ஸ்டோரி என்கிற படத்தை இயக்கியுள்ளார்கள். இப்படத்தில் விஜய் சேதுபதி, அமலா பால், மேகா ஆகாஷ், அதிதி பாலன், சாக்ஷி அகர்வால், வருண் போன்றோர் நடித்துள்ளார்கள். சமீபகாலமாக, பல கதைகள் கொண்ட படங்கள் ஓடிடியில் தான் நேரடியாக வெளியாகின்றன. ஆனால் இப்படம் திரையரங்குகளில் முதலில் வெளியாகிறது.
2013-ல் சூது கவ்வும் படத்தின் மூலம் தமிழில் இயக்குநராக அறிமுகமானார் நலன் குமாரசாமி. படம் பெரிய அளவில் வெற்றி பெற்றது. இதனால் இவருடைய படங்கள் மீது ரசிகர்களுக்கு எதிர்பார்ப்பு ஏற்பட்டது.
இதன்பிறகு விஜய் சேதுபதி, மடோனா நடித்த காதலும் கடந்து போகும், 2016-ல் வெளியானது. படம் ரசிகர்களின் மனத்தைக் கவர்ந்தாலும் சூது கவ்வும் அளவுக்குப் பெரிய அளவில் வெற்றி பெறவில்லை. இதனால் கடந்த நான்கு வருடங்களாக நலன் குமாரசாமி எந்தப் படத்தையும் இயக்கவில்லை.
இந்நிலையில் குட்டி ஸ்டோரியில் ஒரு பகுதியை நலன் குமாரசாமி இயக்கியுள்ளார். நீண்ட இடைவெளிக்குப் பிறகு அவர் இயக்கியுள்ள படம் இது. இதையடுத்து நலன் குமாரசாமி அடுத்து இயக்கும் படத்தின் அறிவிப்பு விரைவில் வெளியாகும் என எதிர்பார்க்கலாம்