‘பம்பாய்’ படம் குறித்து மனம் திறந்த மனிஷா கொய்ராலா
பம்பாய், இந்தியன், முதல்வன், பாபா உள்ளிட்ட படங்களில் கதாநாயகியாக நடித்தவர் மனிஷா கொய்ராலா. கடந்த 2010ம் ஆண்டு சாம்ராட் தேகல் என்பவரை திருமணம் செய்த அவர், இரண்டு ஆண்டுகளில் விவாகரத்து பெற்றார். பின்னர் புற்றுநோயால் பாதிக்கப்பட்டு வெளிநாட்டிற்கு சென்று சிகிச்சை பெற்று அதிலிருந்து மீண்டார்.
இந்த நிலையில், பம்பாய் படத்தில் நடித்தது பற்றிய தனது அனுபவத்தை பகிர்ந்துள்ளார். இதுகுறித்து அவர் பேசியதாவது: எனக்கு பம்பாய் படவாய்ப்பு கிடைத்தபோது வயது 20. என் நண்பர்கள் அப்போது, படத்தில் அம்மாவாக நடித்தால் அடுத்த 10 ஆண்டுகளில் பாட்டி வேடங்கள் கிடைக்கும் என்று நினைத்தார்கள். ஆனால், மணிரத்னம் படத்தை மறுப்பது முட்டாள்தனமாக இருக்கும் என்பதையும் சொன்னார்கள். அப்போது மணிசார் படத்தில் நடிப்பது என்று துணிந்து முடிவெடுத்தேன். அந்த படம்தான் எனக்கு மிகப்பெரிய பெயரை பெற்றுத் தந்தது என்று கூறினார். மனிஷா கொய்ராலாவின் 52வது பிறந்தநாள் இன்று. அவருக்கு இனிய பிறந்தநாள் வாழ்த்துகள்.
