அமெரிக்காவில் விசா கட்டணம் உயர்வு

அமெரிக்காவில் பல சர்வதேச நாடுகளை சேர்ந்த மாணவர்கள் உயர்கல்வி படித்து வருகின்றனர். அதிலும் குறிப்பாக இந்தியாவில் இருந்து அதிக அளவில் மாணவர்கள் அமெரிக்காவில் உயர் கல்வி படித்து வருகின்றனர். அந்த வகையில் அமெரிக்க அரசு உயர் கல்வியில் பயிலும் மாணவர்களுக்கு குறிப்பிட்ட கட்டணம் வசூலித்து வருகிறது. தற்போது அமெரிக்க அரசு மாணவர்கள் விசா பெற 25 டாலர் கட்டணத்தை உயர்த்தியுள்ளது. அதன்படி மாணவர்கள் இதுவரை விசா கட்டணமாக 160 டாலர் வசூலிக்கப்பட்டது. இந்திய மதிப்பில் சுமார் ரூ.12,800 ஆக இருந்தது.
ஆனால் தற்போது 25 டாலர் உயர்த்தப்பட்டு ரூ.185 டாலர் அதிகரிக்கப்பட்டுள்ளது. அதாவது இந்திய ரூபாய் மதிப்பில் ரூ.14,800 ஆக உயர்த்தப்பட்டுள்ளது. மேலும் மற்ற செலவுகளை சேர்த்து இந்திய மாணவர்கள் ரூ.15,140 செலுத்த வேண்டும் என கூறப்பட்டுள்ளது. அதனை தொடர்ந்து ஒப்பந்த வர்த்தகர்கள் முதலீட்டாளர்களுக்கான விசா கட்டணம் 110 டாலர் அதிகரிக்கப்பட்டுள்ளது. அடுத்த மாதம் 30 ஆம் தேதி முதல் இந்த கட்டணம் உயர்வு அமலுக்கு வரும் என கூறப்பட்டுள்ளது.